冬蔭功扎肉 + 刴椒小旺菜 + 泰國蟹味米粉 + 芒果糯米飯 ( 14-JUN-2020 )

太大火煎喇   煎到燶咗呀

( 14-JUN-2020  SUN )

今朝里奧大人番工之後   我雖然繼續瞓   但係咁發夢   臨起身個夢先搞笑   夢見里奧大人番咗屋企   我話做乜番屋企呀 ?!  我依家出去番崇拜喎   之後佢話特登番嚟陪我去番崇拜 ~

咁我 9 點 25 分鐘自然醒   真係諗緊里奧大人係咪番咗嚟囉 ~

今朝早咗 5 分鐘起身   所以可以大清潔廁所   搞掂哂就即沖涼   抖陣就出門口喇 ~

食埋份早餐就抖陣   之後里奧大人突然要我去幫手   好在我不嬲都預早時間食早餐呢 ~

崇拜完畢就去買嘢比里奧大人同事   因為佢又請我食自家種嘅荔枝 ~

里奧大人 2 點幾放工   咁食埋下午茶就去舖頭拎嘢   之後番屋企喇 ~

番到屋企即沖涼   依家真係出一出街就要沖涼   熱到不得了 ~

里奧大人 4 點半左右瞓   我就唔瞓 lu ~

佢 6 點起身   我都預備晚餐 ~

煮好正餐   再整埋個芒果糯米飯   之後煮個泰國米粉就可以開餐喇 ~

是日晚餐 - 冬蔭功扎肉 + 刴椒小旺菜

冬蔭功扎肉 - 呢排好懶   見冰格有乜就食乜   順便清冰格   之後可以買啲新嘢番嚟 ~

刴椒小旺菜 - 加咗刴椒真係好味好多   依家真係超級重口味了   哈哈 ~

沖埋涼就休息   同里奧大人一齊睇戲   佢揀咗套鬼戲   所以即刻唔睇   好怕發惡夢 ~

之後睇另一套戲   我咃覺得有啲悶   但都想繼續睇   但睇到 10 點 45 分都瞓覺喇   聽日要番工 ~