潤腸炒旺菜 + 蠔油冬菇燜節瓜 ( 23-JUN-2020 )

( 23-JUN-2020  TUE )

尋晚食咗幾粒冰凍嘅西瓜   果然半夜真係凍醒咗   哈哈哈哈 ~

今朝里奧大人早咗出門口   我其實鬧鐘未響都起咗身   不過懶下床咁呢 ~

浸好冬菇就刷牙沖涼喇   咁又開始新一日喇 ~

早餐食芝腿治烘底   諗唔到食咩 ~

菇場忙下停下   好快 Lunch Time 呀 ~

Lunch 食 Flakes + 乳酪   呢隻乳酪都幾好味   好飽肚   哈哈 ~

一路睇 Youtube 一路食 Lunch 真係好鬼正

仍然忙下停下   但 4 點 20 分先有 Urgent 嘢做   好在 4 點 50 分搞掂咋 ~

放工即走   番到屋企即浸菜   再燜節瓜   搞掂就拖地 ~

里奧大人 6 點幾放工   我煮好哂就順便洗煲同洗鑊   咁一陣食完洗碗   好少洗少兩樣嘢   會開心啲咁架   因為我真係好憎洗碗   唔知點解 ~

洗完嘢   里奧大人啱啱番到開飯   佢又話架車好焗   令到佢好熱   佢其實都算熱得   但呢排聽佢講得最多係好熱   哈哈 ~

是日晚餐 - 潤腸炒旺菜 + 蠔油冬菇燜節瓜

潤腸炒旺菜 - 真係唔想又刴椒旺菜   咁上星期家姐又比多包潤腸比我   咁就煮 2 條啦   我本身已經有一包   其實 6 月到期   不過我開嘅時候   包潤腸都好新鮮   軟軟地咁架   以前姑奶比我嘅臘腸潤腸   次次係硬崩崩㗎 ~

蠔油冬菇燜節瓜 - 里奧大人好鍾意呢個汁   其實間唔中燜定啲冬菇都唔錯   唔駛成日食肉嘛 ~

同里奧大人唔知講開咩   講到 "紙"   之後我叫佢唔好食咁多煙肉呀   用"紙"做㗎   之後佢話煙肉點會用 "紙" 做㗎   講大話   我都忍唔住笑出嚟 ~

洗埋碗就開機洗衫   沖埋涼都休息喇 ~

我依家鍾意睇超級馴犬師 Eric Ko   估唔到里奧大人都一齊睇   隻隻狗都訓練到好乖   同埋咁啱睇兩個家庭嘅狗狗   都係被遺棄囉   好慘   感恩新主人都好肯教狗狗   有隻明明好惡嘅狗仔   四年後嘅今日   變得好乖呀   唔好話 Eric Sir 睇到開心   我睇到都好開心呀   最感動係見到啲主人真係好用心去教呢 ~

里奧大人 10 點半都瞓   我就繼續睇   不過睇到 11 點都瞓 lu ~