生炒骨飯 ($45) - 我好鍾意食配菜 夠開胃
( 20-JUN-2020 SAT )
今朝瞓到 9 點幾自然醒 咁懶下床 里奧大人話同我食早餐好唔好 ?! 我話好呀 之後佢仲話我肯定好想同佢食早餐 但我心諗 今日 Off 都預咗同你食早餐㗎啦 咁奇怪嘅 ~
之後佢沖埋涼出來 望住個鐘好驚訝咁話依家 10 點喇 ?! 妳唔駛番工咩 ?! 比佢咁講一講 嚇到我即去睇個月曆 之後佢話唔怪得起身咁精神啦 原來已經 10 點 仲以為 7 點幾呀 ~
今日我 Off 本來佢番朝早 放工後再同阿 mi 喂 Gathering 不過公司有突急嘢要搞 又變番番下午了 但阿喂仲請咗假添 真係唔好意思 ~
快快沖埋個涼 之後去食早餐喇 ~
食完早餐就番屋企抖下 里奧大人 12 點半都出門口喇 ~
我就抖多陣 等家姐嚟接我去佢屋企 ~
去到屋企已經 1 點幾 咁姐夫話出去食嘢喇 咁我哋唔駛上樓 lu ~
我同家姐去廣良興買嘢 之後去靠得住食 Lunch 咁唔記得傾開咩 我話之得拎包薯片嚟食啦 姐夫話唔得㗎 會比人鬧㗎 我話唔係而家食呀 哈哈 我其實係想講話之得頭先喺屋企拎包薯片去家姐屋企食呀 哈哈 ~
濃香星洲炒米 ($58) - 好味呀 同埋有幾隻蝦都抵
乾炒牛肉河粉 ($58) - 好耐無食 都覺得好味 好在 Share 食 呢兩碟粉麵都幾飽肚下
食完再去 759 睇嘢 我買咗 2 個杯麵比里奧大人 家姐就買咗 3 包濃湯粟米圈同 6 杯菠蘿啫喱 佢本身唔買嘢 但見我買佢又買 仲會加多句 如果我哋住隔離就慘 肯定成屋企都係嘢 ~
買完就番屋企喇 家姐叫我行佢後面 Berry 就會聞我 因為 Berry 姐唔會理佢的 但如果姐夫行前面 Berry 照樣都唔會理後面嘅家姐 哈哈哈哈 咁即係唔關前面後面事啦 ~
望下我啦
Berry 個樣話我知 望緊啦 影夠未呀
比零食佢啦 佢都唔多想望我呀
佢食緊零食
依家同家姐一齊玩緊 "妙趣動物園" 我叫家姐幫我過 140 關 玩咗成個星期都過唔到關 玩到好悶 之後到又佢叫我幫佢過 440 關 咁家姐好快幫我過到關 我同樣都好快幫家姐過咗幾關 之後家姐好好奇咁問我 點解妳話 440 關好易過 但反而 140 關好難過嘅 ?! 哈哈哈哈 笑死我呀 我話最難係啲石頭炸咗又變番石頭 如果無呢啲 我好易可以過到關囉 ~
我頭先喺餐廳話飲可樂 家姐番到屋企已經問咗兩次飲唔飲可樂 ?! 其實佢唔問 我都唔記得自己講過 之後佢開雪櫃話可樂得番一罐 叫工人記得要雪啲可樂同檸檬茶 我話係咪串緊我呀 ?! 佢個樣好慘話唔係呀 哈哈哈哈 其實因為姐夫有時血糖低 所以要飲可樂呢 ~
Berry 咬條牛骨玩具 我叫家姐唔好郁 因為難得佢黐住我 家姐話佢好想郁呀 因為條玩具隊住佢 Pat Pat 好痛呀 ~
最鍾意佢成個身壓住我 因為依家佢大個 無咁黐我喇 嗚嗚嗚嗚
6 點幾走人 咁家姐送我去坐車 Berry 以為家姐同佢街街呀 怪不得係咁撲家姐啦 ~
之後我同 Berry 姐講下星期再探妳呀下 家姐即話成日同同事講 Berry 係維繫我哋姊妹感情 哈哈哈哈哈哈 ~
今日差唔多 7 點先上車 等車等咗好耐呀 ~
之後有個男人講電話 好大聲好激動咁話巴士未到 因為好塞車 但其實我哋已經坐喺車度 再隔一個站 個男人好溫柔講話仲有 15 分鐘就到 到差唔多落車 又好激動話就落車啦 我唔可以叫架車快啲吖嘛 講完無耐 又好溫柔講話好快到 我覺得佢好恐怖呀 咁我坐佢後面嘅後面 都好清楚聽到佢講電話 可想而知佢講得幾大聲 ~
去里奧大人公司坐一陣 佢 8 點半先放工呀 要快快去食飯喇 ~
食完抖陣都走喇 番到屋企即沖涼 ~
里奧大人 10 點半瞓 我差唔多 11 點 15 分先瞓 ~
沒有留言:
發佈留言