焗雜丸 + 菠菜 + 自家制麵包 ( 18-AUG-2020 )

懶到不得了嘅懶人餐

份量好多   因為依家里奧大人同事會預埋我份量   哈哈

( 18-AUG-2020  TUE )

今朝里奧大人起身   咁問佢公司買電腦搞成點 ?!   傾完諗住瞓   點知里奧大人話衣柜入面嘅防潮盒漏水   咁我就起身抹啦   最煩係抹呢啲   搞到個柜會立痴痴   要抹幾轉先搞掂 ~

諗住瞓啦   但都瞓唔到   8 點 10 分起身 ~

但其實尋晚瞓得勁差   感恩今日 WFH ~

梳洗之後就整早餐   預熱焗爐又聞到一陣肉味   心諗係咪想壞呀 ?!   之後拎個焗盤出來睇睇   原來我尋晚唔記得洗焗盤呀   好在尋晚只係就咁焗海鮮卷   無落油咋 ~

尋日食剩嘅合桃包   家姐話好有心機切粒粒   我話其實因為尋日咬到啲包好肉酸   所以切粒粒無咁肉酸囉   哈哈

抖咗一個鐘先熨 2 機衫   熨完有啲虛脫 ~

沖埋涼就休息   1 點幾食午餐 ~

里奧大人 2 點打比我   以為佢去買電腦   原來係叫我開門 ~

佢仲係有啲唔舒服   沖埋涼都要瞓覺 ~

其實我都好攰   3 點幾都忍唔住上床瞓   一瞓就瞓到 4 點   當堂精神哂 ~

里奧大人 4 點 45 分先起身   佢話瞓醒好好多呀   感恩感恩 ~

我問佢想淥啲丸定焗完掃蜜糖   佢話焗丸掃蜜糖   我話都估到你鍾意咁   之後佢話知道就唔好問啦   哈哈哈哈   一起身就串串共 ~

聽日 8 號風球   佢依家要去姑奶屋企幫手 Lock 窗   咁我就抖下先煮飯 ~

里奧大人 6 點幾番到屋企   沖埋涼就可以開餐 ~

是日懶餐 - 焗雜丸 + 菠菜 + 自家制麵包

焗雜丸 - 我食嘅就加咗孜然粉去焗   想惹味啲   里奧大人嘅就掃蜜糖 ~   

菠菜 - 上星期日買   食埋聽晚就清哂   真係唔係咁鍾意食菠菜   哈哈 ~

自家制麵包 - 里奧大人同事整㗎   但今晚太飽食唔落   留番聽日做早餐 ~

頭先食飯   里奧大人收到個大陸電話   以為係呃人嗰噂   點知原來係佢好耐之前嘅同事呀   真係好在里奧大人無改手機號碼   如果唔係就聯絡唔到架喇   我同里奧大人都間唔中會提起呢個同事   疲情過後真係要上去同佢聚聚呢 ~

洗埋碗就開機洗衫   之後叫里奧大人幫我染髮   其實勁想去剪頭髮   大半年無剪喇   之前剪短就想留長頭髮   依家長頭髮又想剪短   不過其實我只係想修修前面啲頭髮   唔係咁想帶髮夾 ~

搞掂哂就沖涼   之後休息 ~

里奧大人 10 點幾瞓   我又唔太眼瞓   差唔多 11 點先瞓呀 ~