手打牛丸米粉 + 鮮蝦韭菜餃粗麵 (外賣) @ 屋企 ( 8-AUG-2020 )

( 8-AUG-2020  SAT )

今朝同里奧大人 9 點左右都自然醒   咁里奧大人就買早餐   我就梳洗等食   嘻嘻 ~

咁嘅咖啡就好味道   哈哈

食完抖陣就沖涼   今日唔做家務喇 ~

里奧大人 12 點幾出門口   我就叫家姐可以接我喇 ~

同家姐一齊去新都城   今日好多嘢想買 ~

去廣良興買軟糖 豬肉乾同腰果   之後再去 759 買杯麵同桃哈多 ~

買完去街市買蕃茄甘筍南瓜粟米栗子   因為家姐鍾意飲呢個湯   所以一陣煲比佢飲 ~

之後去 Starbucks 買飲品再去麥記買 Lunch   最後就家姐買粥比姐夫   我就去天上野買嘢   搞掂哂原來都已經 3 點 ~

因為我買咗好多嘢   咁家姐話擺喺車度啦   唔駛拎來拎去   但最後係唔得   因為兩個環保袋係每人都有啲嘢咁   要番到屋企先可以分囉 ~

一入屋   Berry 姐係咁樸我   有幾次係喺我後面推我咁呀   真係勁大力又粗魯 ~

芒果抹茶星冰茶 ($20) / 三重柑橘果漾綠茶 ($20)

皺皮魚柳包

食完就煲湯   我問家姐除咗菜刀仲有乜刀 ?!   佢比把生果刀比我   咁我話批唔到南瓜皮喎   咁唯有用菜刀啦   人生第一次拎菜刀   勁驚囉   同埋知肯定會用錯力   因為我都覺得自己揸到把刀好實   大佬   我驚跌咗把刀呀   腳都無呀到時   哈哈哈哈 ~

5 斤蕃茄 只係 $38

"bi li bu lu"

超級掛住妳呀 Berry 姐

家姐尋日話佢唔食啲零食呀   咁我試下比佢食啦   佢又食喎   衰女包   揀飲擇食

開始眼瞓

哈哈哈哈   衰得佢

咁就友善喇

可唔可以唔好咁呀妳

濕潤嘅大鼻窿

係咪好眼瞓呀 ?!

但又心野

我話我搞掂得啦   咁家姐帶 Berry 姐放水   估唔到好快番嚟   仲以為會行街街添 ~

煲好湯就抖喇   咁家姐就熨衫   佢熨 3 件裇衫就嗌咗 4 次   因為比啲蒸氣噴親呀   笑鬼死   我話樣樣都可以幫妳   但唔會幫妳熨衫   因為我好憎熨衫   哈哈 ~

話咁快又 6 點   家姐餵 Berry 食嘢   佢食剩一半就會退後   等家姐再放啲豬肉同三文魚   佢就再食   之後又食剩一啲咁等家姐再放   來回 4 次   真係搞笑 ~

差唔多 7 點就番屋企喇   如果 Berry 細細隻就好啦   可以一齊遊車河 ~

番到屋企擺好哂所有嘢就沖涼   等里奧大人放工買外賣番屋企食 ~

買咗幾塊擦地布   細嘅 $18   大嘅 $26   兩樣都有 85 折   所以我同家姐每人買咗 2 大 2 細   原來家姐之前已經買咗   佢話乾嘅可以抹塵   但索水又得   我話係咪好用呀 ?!   佢話未用   我即啤佢啦   講到好似用咗咁   之後佢話嗰個職員係咁講   暈 

$99 咋   家姐話抵   我話諗下先   之後家姐話送比我   咁我話我會買   唔係佢又一陣送比我仲煩

突然好鍾意 LITTLE TWIN STARS   咁我同里奧大人話買咗杯墊比佢   但一定要用㗎   咁拎比佢嘅時候   佢喺度笑   佢公司嘅坐墊  月曆再加埋呢個杯墊   無人相信佢個位係男人坐的   哈哈哈哈

 家姐 Send 比我睇   佢話好味   佢好鍾意飲

里奧大人番到屋企都 9 點   叫佢沖埋涼先開餐 ~

食完都差唔多 10 點   勁夜呀   哈哈 ~

里奧大人聽日要番工   所以 11 點鬆啲都瞓   我就差唔多 12 點先瞓 ~