麥蘆卡蜜糖烤雞2人餐 (外賣) @ 屋企 ( 8-SEP-2021 )

麥蘆卡蜜糖烤雞1隻 + 芝士肉醬意粉 + 牛油粟米 & 紅豆冰 2 杯   今次食唔哂肉醬意粉同 1/4 隻雞   可以留番

( 8-SEP-2021  WED )

感恩一覺瞓到 6 點 15 分   不過太早喇   所以再瞓   又瞓到 6 點 40 分   咁都起身 lu ~

今朝比平時再早一班車   點知等飲品都等耐好咗   差唔多 8 點 20 分先番到菇場 ~

早餐食芝士腸仔包   都幾好味 ~

菇場唔忙   8 卦會成日問我有咩搞 ?!   我答佢 Filing 囉   佢話 Filing 就 Filing   咩叫 Filing 囉 ?!   我話夠薑就以後講嘢無尾音   佢就 hahahaha   真係唔鬧唔安樂   哈哈 ~

Lunch Time 出去行下   買咗 4 個秋月梨   之後再買紅腸酸辣米線   今日好想食酸辣呀 ~

繼續忙 Filing   但開始眼瞓   味精重無偈啦 ~

放工去大昌買嘢   之後再去大家樂買外賣 ~

食完抖陣就徑步   里奧大人話攰呀   咁叫佢休息唔好去呢 ~

今日食咗好多嘢   所以行夠 40 分鐘先得 ~

開機洗衫之後就即沖涼   抖陣就食西瓜同紅火龍果   半夜肯定去廁所   哈哈哈哈 ~

今晚睇 Youtube 睇到 11 點幾先瞓覺   其實聽晚再繼續睇   但硬係唔想睇啲唔睇啲咁囉 ~