甜辣炸雞粒 & 無骨炸雞 & 海鮮煎餅 & 原味韓式餅捲 & 辣小魚仔 & 辣泡菜 (外賣) @ 屋企 ( 9-SEP-2021 )

甜辣炸雞粒 ($40/S) & 無骨炸雞 ($40/S) - 甜雞係已經包裝好   炸雞就係即炸   我懶得再焗熱   但味道都 OK 呀   

原味韓式餅捲 ($35) - 我勁鍾意食   見到粒黃蘿蔔就好開心   哈哈

海鮮煎餅 ($30) - 凍咗都好味   呢樣估唔到   哈哈

辣小魚仔 ($60) - 恨食好耐   因為我覺得貴唔捨得買   但里奧大人話買啦   又唔係成日食   原來唔辣嘅   仲好鹹添

辣泡菜 ($30) - 好味呀   同喺超市買嗰啲真係唔同   呢個真係值得買喇

( 9-SEP-2021  THU )

今朝 9 點半起身   梳洗之後就等食喇 ~

食完抖陣就去旺角 Body Check   因為約咗 11 點半   所以都想早啲出門口   我驚塞車呀 ~

11 點 15 分去到掃瞄中心   咁叫名嘅時候   有個女人同我個名差最後一個字   我真係企身應㗎   奇怪點解咁快   哈哈 ~

咁 11 點半左右開始 Check   之後坐房仔再用另一個儀器 Check   咁姑娘叫我名   隔離個女人想起身   所以大家都喺度笑   佢話頭先喺大堂叫名又係咁   我話我聽妳個名又係一樣企身   哈哈哈哈 ~

原來 Check 咗差唔多 45 分鐘   唔係里奧大人講咁耐   我都唔知   佢最驚我 Check 嘢 Check 咁耐   以為有咩事   哈哈 ~

12 點半終於搞掂   埋單 $2,200   我覺得好貴呀   之前明明話 $1,900 嘅   嗚嗚 ~

出開旺角就去花園街買 3 條大毛巾   之後再買 2 條裙褲 + 1 件衫   又買下其他嘢咁   我話其實我買嘢可以唔食嘢   但里奧大人話佢唔得   哈哈哈哈 ~

咁去金魚街嗰邊睇下有咩食店   見到間 "鐵板世家" 好似唔錯咁   所以去食喇   因為我想食牛呀 ~

紅湯 - 我鍾意紅湯多過白湯   話哂有啲蔬菜食嘛   哈哈

依家我真係唔係咁想飲奶茶咖啡   加上天氣咁熱   一定要飲酸嘢囉

西冷牛扒配薯菜 ($58) - 呢個好味呀   同埋都好大塊牛扒

香煎豬扒拚牛仔柳意粉 ($58) - 牛仔柳唔好食   估唔到意粉份量好多呀

食完就去搭地鐵   經過聯合廣場又行下   里奧大人買咗 3 件裇衫   我又買咗 1 對白色鞋   今日大家都買得好開心呀 ~

我初初諗住由旺角行去佐敦睇下嘢   之後再行去尖沙咀   但無諗過買咁多嘢   所以要搭地鐵去尖沙咀呢 ~

3 點左右去診所拎藥 ($3,500/半年)   我同里奧大人講話今日我用嘅錢   可以去一轉泰國了   女人支出真係好大   但呢啲錢又唔可以慳   因為真係年年驗身令妳放心 ~

拎完藥就再周圍行   經過鮮芋仙   我話食唔食好呢 ?!   里奧大人話食啦   之後即入去拎位   佢話條街太熱   點都想坐下   我發覺佢依家出街   係怕熱過我咁呀 ~

芋園4號 (芋頭/紅豆/珍珠) ($45) - 最鍾意呢個甜品   因為好多煙韌嘢   同埋芋頭都好正

食完只係 4 點幾   諗住慶祝結婚週年出去食晚飯   但行完條韓國街再去李家都未餓   同埋 4 點 45 分食唔落囉   所以我話買韓國晚餐番屋企慢慢嘆好過   好過特登搵地方行 ~

買完就搭車番屋企   沖埋涼就開機洗衫 ~

韓國糖餅 ($20) - 里奧大人話買嚟做早餐

不倒翁麻油 ($55)   阿花推介   話好香麻油味

接近 7 點開餐   今餐食得好滿足呀   因為樣樣都係自己鍾意食   哈哈 ~

食完就抖下   之後食埋生果就睇 Youtube ~

今晚 10 點 45 分都瞓覺   聽日要番工呀   唔想咁夜瞓 ~