冬菇雲耳白菜鮮肉餃 & 鮮肉雲吞 (外賣) + 韭菜 + 菜心苗 ( 20-DEC-2022 )

用 304 不锈鋼壓蒜器整蒜蓉   我真係鍾意食蒜蓉多過蒜粒   但好怕聽到剁剁聲   我覺得好煩   同埋會好頭痛囉   但整出嚟好似一條條咁   哈哈

( 20-DEC-2022  TUE )

感恩一覺瞓天光   仲成日以為今朝係星期四   唔知點解   哈哈 ~

芝士牛油卷拚花生醬甜餐包   又鹹又甜都唔錯 ~

菇場唔太忙   咁都好   我可以休息下   因為我鼻塞塞咁呀   拿拿聲飲杯 Hot Lemon   飲完係舒服好多 ~

Lunch Time 就幫里奧大人去買糖   比同事做聖誕禮物   之後再買豬潤麻辣米線   我一定要食麻辣驅寒呢 ~

我同家姐都覺得呢隻糖好食   所以就買呢款比里奧大人同事

里奧大人唔舒服都番咗屋企   佢話尋晚半夜凍親   依家最煩係厚被又熱   一張薄被又凍   但 2 張薄被又熱喎   哈哈 ~

仍然唔忙   傾下計等放工 ~

買埋麵包就番屋企   之後都預備晚餐 lu ~

里奧大人嘅聖誕禮物   佢特登留比我拆㗎   我最鍾意拆禮物   因為無咩幾何   哈哈

有個同事個別送份聖誕禮物比佢   仲有張心意卡   好感謝神使用里奧大人嘅恩賜   喺工作上真係發揮好大作用   可以陪到呢位同事排除所有難關

就咁聞都好香

是日懶餐 - 冬菇雲耳白菜鮮肉餃 & 鮮肉雲吞 (外賣) + 韭菜 + 菜心苗

冬菇雲耳白菜鮮肉餃 & 鮮肉雲吞 (外賣) - 今晚要食哂去喇   因為無放入冰格呢 ~ 

韭菜 - 我鍾意食   但里奧大人成日話痴牙 ~

菜心苗 - 依家要食多啲深色菜   因為我貧血呀   我一定唔會食鐵丸   唯有係飲食方面着手啦 ~

炒個麵比里奧大人做 Lunch Box   之後就即洗碗 搞掂哂就沖涼休息   食埋生果就同里奧大人睇 SPY ~

雜丸炒麵   求求其其又一餐   好在里奧大人對食無要求咋

  

我同里奧大人講話又見到大樹菠蘿檔口開咗   星期六買嘅時候   佢話最後一日㗎   里奧大人就即刻笑啦   話我成日信人咁講   之前有間店舖又係話執笠   咁我即刻去買膠箱   點知到依家間店仲喺度成 3 年喇   呢單嘢   比里奧大人笑足我 3 年呀   哈哈 ~   

我再睇多陣 Youtube   10 點 50 分都自己瞓覺先喇 ~