菠蘿咕嚕肉 + 漁香茄子煲 (外賣) @ 屋企 ( 10-JUN-2023 )

 ( 10-JUN-2023  SAT )

尋晚都係瞓得唔好   始終個肚有啲痛   但最後都沖多次熱水涼   咁真係舒服好多呢   雖然已經 4 點半 ~

感恩起身都 OK   雖然都係攰   但都有胃口食嘢 ~

早餐食迷你牛角酥   細細件唔錯   始終都好滯下嘛   哈哈 ~

菇場唔忙啦   同阿花 Whatsapp   唔係真係無嘢好做 ~

買埋午餐就番屋企   但里奧大人差唔多 2 點先放工   勁驚佢要晏啲先放工呀   因為我一陣要做義工   唔想遲到呀 ~

2 點 35 分出發   約咗對象喺場地等   見到就即刻比咗糭佢   之後傾咗兩句就要即刻同皇太后一齊去做端午節探訪喇 ~

我仲同里奧大人講   同對象傾陣偈就番屋企   完全唔知有探訪活動   因為我自己都搞亂哂   哈哈 ~

一去就個半鐘   感恩拍住皇太后   因為我真係完全唔在狀態 ~

感恩所有義工一切順利   之後再同義工們一齊分享之後就散會呢 ~

同皇太后又傾下偈   差唔多 5 點先番到屋企   里奧大人以為我發生咩事   因為無諗過我咁耐未番屋企   不過佢知我唔覆佢   都知我做緊嘢   同埋如果我真係有事   一定會有人通知佢   哈哈 ~

今日真係錯有錯着    我誤會咗活動嘅目的   我只記得日子   因為皇尚講咗一句說話   我以為真係就咁見對象就可以   之後又再同另外兩個相關人事溝通   我睇內容都覺得奇怪   但因為活動仲有其他人參與嘛   咁我覺得應該 For 其他人睇呢 ~

之後里奧大人都同我講   好在我有去見對象咋   唔係真係 No Whow 就肉酸死啦   下次真係要好好睇住自己參與嘅活動內容   唔係真係會幫倒忙囉 ~

沖埋個涼就休息   呢兩晚都應該要食外賣   我完全無力去煮飯同做家務了 ~

7 點左右開餐   感恩都有胃口食嘢 ~

皇太后特登買比里奧大人食㗎   呢個小木瓜好甜   不過唔敢問佢邊間買啦   因為佢一定買比我哋

睇多陣電視   今晚 9 點半瞓覺喇 ~