紅豆糭 + 綠豆糭 (外賣) ( 18-JUN-2023 )

星期五食剩嘅香草辣椒肉碎煎蛋飯   今晚要食埋去喇

( 18-JUN-2023  SUN )

今朝同里奧大人食早餐   但仲係好滯咁   所以食多士算喇 ~

食完就去里奧大人公司幫手   之後再番學   我番完崇拜就搵里奧大人午餐   本來出去食   但想食嘅食店無開   咁買番去里奧大人公司食 lu ~

里奧大人兒生仔一家番崇拜   所以我買咗包糖比佢個仔

一個車仔麵 Share 食   但覺得份量越來越細咁喎

里奧大人食完要去開會   我就去姑奶屋企拎嘢   同佢傾咗半個鐘頭偈   其實佢真係好錫我哋   今次佢講啲嘢令我好感動   又成日要兒生仔照顧我哋   覺得好搞笑啦   我話依家我哋七老八十咩   唔駛佢哋咁快照顧喎   哈哈 ~

傾到 3 點半左右都走人喇   佢買咗糭比我同家姐   所以我都要買完餸就即番屋企呢 ~

真係好焗熱呀   啲汗係咁直流   真係做運動都無咁多汗 ~

番到屋企放低嘢   之後再去超市買藍梅   買埋聽日早餐就即番屋企 ~

沖完涼就大清潔屋企   大脾開始有啲痛呀   不過糟糟今朝已經話痛喇   但家姐就唔痛   呢下佢最勁   哈哈 ~

里奧大人 5 點半番到屋企   比我想像中早呀   不過今晚都要 7 點幾先開餐呢 ~

又有父親節禮物  

是日懶餐 - 紅豆糭 + 綠豆糭 (外賣)

紅豆糭 + 綠豆糭 (外賣) - 本身我同家姐每人 2 隻   但姑奶佢無啦啦拎咗出嚟解凍   又唔知佢解凍咗幾耐   但都應該有一段時間咁   所以我一次蒸哂去喇   唔敢比家姐啦 ~

洗完碗就開機洗衫   搞掂都沖涼 lu ~

里奧大人 8 點左右去做運動   我就睇 Felix   依家里奧大人都要迫住睇佢   哈哈 ~

等埋同里奧大人沖完涼就一齊睇電視   之後睇 "社內相親"   但我睇咗一集都瞓喇   因為已經 11 點   咁里奧大人就繼續睇書 ~