慢慢行 ♡ 首爾。南韓 DAY 5 (PART 1/2) ( 2-JUN-2023 )

( 2-JUN-2023  FRI )

今朝 9 點起身   沖埋涼就去食早餐喇 ~

韓式早餐真係無興趣   見到納豆就怕了   哈哈

每朝飲細半支都好夠

仍然覺得好味道㗎

今日陰陰天

開窗望下

10 點半左右出發   今日嘅行程係去廣藏市場   本來一心想買泡菜番香港   但可惜酒店雪櫃太細   同埋感覺唔係咁夠凍   所以都唔買 lu   不過都會照去廣藏市場呢 ~

酒店後面都有食店   不過我哋真係唔知首爾係咩環境   所以里奧大人就穩陣啲   喺酒店食早餐

都好多嘢食

今朝有啲凍呀   終於感受到韓國早晚嘅溫差

再睇多次機場巴士嘅班次

我哋住嘅酒店   好似最高係 14 樓

灰灰暗暗嘅天   突然好有冬天 Feel   哈哈

呢座商廈設計都幾舊式

又嚟喇   哈哈哈哈

我一定唔會揀行路

好多指示   就算睇中文字都覺得頭痛

兩支光管嘅效果   好似 Blur 咗啲字咁

可以自拍

今日搭地鐵   有個韓國人向里奧大人問路   認真搞笑啦   連韓國人都唔識搭呀   何況我哋   哈哈   里奧大人話之前都有個婆婆問佢路呀   不過喺韓國搭地鐵真係要好小心   因為實在太多轉乘站呢 ~

關愛座   都係無人敢坐

手機又嚟料

有扶手電梯就唔怕   如果每個轉車站都要行上去   都咪話唔辛苦   我哋已經係無行李喎

繼續行

呢個設計真係唔錯   拖喼上落真係辛苦   同埋好危險囉

車廂唔算多人   可能係平日   加上又唔係番工放工時間

去廣藏市場方向提示

每次去旅行   我都要感謝里奧大人負責睇地圖   如果跟我行   我應該係原地踏步了   哈哈

恩地 ?!   係 load 相先認真望下邊個

警察局標誌   睇韓劇就見得多

行呢條街都舒服

麵包店開張

有得試食   不過我無食呀   我覺得好唔似我 Style   哈哈

韓國人都鍾意種小盆栽

樣樣食物都係紅色   但其實唔係辣

12 點鬆啲去到廣藏市場   今日唔算好多人 ~

到廣藏市場喇

其實都幾期待   因為我鍾意去啲地道傳統市場

生牛肉 & 生魷魚 & 醬油蝦蟹   我同里奧大人一定唔會食

呢檔炒年糕好多人排隊

正呀

我鍾意食年糕同香腸

綠豆餅係韓國傳統小食   所以我廿幾年前嚟首爾都成日見到   我記得係用好多油煎

行入去睇下先

其實好想試下香瓜係咩味道

士多啤梨乾都吸引   但睇多幾間先買

今日算唔多人   因為睇番以前啲 Youtube 係超級多人呢

真係好多檔口都係賣綠豆餅

食材都好簡單

只係普通人家唔會買呢個工具製作   哈哈

綠豆餅無處不在

辣炒年糕會試   但血腸一定唔會食   家姐都話唔好味道呀   不過我上網睇   只係韓國人會比較接受血腸個味道

檔檔差唔多   不過我最想都係食年糕   好記得當年我哋買咗小食   但里奧大人話年糕辣所以唔買   後尾有個團友比咗條我試   點知我拎嘅時候   唔小心跌咗落張枱度呀   嗰下心痛   到依家仲記得   哈哈

室內掛咗好多國旗

兩個人真係食得唔多嘢   有啲可惜

另一個出/入口

麵包仍然無咩興趣

呢邊無咩人

呢檔好出名㗎   真係唔搵就見到   所以即刻入去食   哈哈

毒品紫菜卷飯   睇佢哋啲翻譯真係嚇一嚇   有時英文又打漏一個字咁

講國語嘅職員   好細心為我哋推介呢幾款小食

綠豆煎餅 (5,000W) - 無諗個咁大個

韓國洋蔥都好甜   同埋食完之後個口唔臭   哈哈

魚糕湯 (1,000W) - 好普通   真係唔明韓國人點解咁鍾意食   哈哈

紫菜飯卷 (3,000W) - 我必食㗎

里奧大人好驚訝話: 得黃蘿蔔咋 ?!   我話係呀   所以我咪鍾意食囉

辣炒年糕 (3,000W) - 忍唔住叫個年糕

呢個年糕真係超級勁好味呀   又夠煙韌   同埋都幾辣   如果啲汁撈公仔麵都應該好好食   哈哈

馬格利酒幾吸引咁噃

店內環境

里奧大人隔離就係水機   佢話好方便   哈哈

原來樓上係廚房

職員見我影相   特登將其他客嘅食物擺喺我面前   比我影相呀

之後又再拎碟生牛肉比我影   哈哈

我無做功課   所以唔會坐呢啲檔口面前食嘢

坐呢度食其實好有 feel

疫情前嘅廣藏市場係超級多人   行都辛苦 

布工藝

呢啲無咩興趣

公仔就一定唔會買啦   哈哈

見到打蛇餅就驚   同埋真係唔好預我哋喇   如果排咁耐仲要唔好食   我就會更加嬲囉   哈哈

其實排完一個鐘頭隊   攰到都無哂 Mood 食啦

呢檔刀削麵原來上過電視

紅色唔似茶   但唔知係咩

再見

鯽魚燒

我只鍾意睇製作過程

全部前菜都好吸引   哈哈

廣藏市場好似有幾個入口

又見到綠豆餅

冰鮮魚

最鍾意睇零食

但呢啲唔係咁吸引   哈哈

呢款傳統小食   上次家姐話搵咗好耐先有   所以今次見到   我都要買喇

再買士多啤梨乾 (10,000W)

我要食糖餅

自己將錢放落 Bucket 最好   始終對手掂到錢再整嘢食   係好污糟嘛

好期待

我覺得口感好似鹹占餅   但有啲人又話好煙韌   我真係一啲都唔覺   哈哈

我同里奧大人講   頭先嚟到嘅時候係無人排隊   一個鐘頭後就要排隊   里奧大人話頭先妳唔買嚟食 ?!   佢肯定以為我想食啦   但其實我係無諗過買嚟食囉

扭扭卷餅

即叫即炸   里奧大人一定唔食添呀   哈哈

開心 Share

呢邊多數買甜嘢   所以又出現一檔賣糖餅嘅

1 點 15 分走人   搭地鐵去東大門 ~

走人喇

着韓服都要唔少時間

呢間店舖都有啲歷史

白色一條條係咩呢 ?!

行喇喂

售賣機

里奧大人去洗手間   我幫佢揹住個相機背囊   雖然無帶大機   但都好鬼重

睇緊點去東大門

因為一陣買衫可能要比現金   所以就拎 100,000 KRW 出嚟   但就要比手續費 (1,000 KRW)

韓國真係有好多賣咖啡嘅地方

我對呢啲麵包甜品係零興趣   因為食麵包真係好飽

2 點鬆啲去到東大門   咁見到有商場就行下先 ~

好熱呀   加埋又乾燥   真係體內體外都無哂水份咁   哈哈

一入去呢啲商場   我同里奧大人就會笑住嚟行   哈哈

里奧大人話行下先啦   可能有驚喜

我睇緊佢有無驚喜   但佢係一直行   都唔係兩頭望嘅   哈哈

DOOTA.COM

小型市集

DOOTA MALL

HYUNDAI

東大門 ?!

我想去 Migliore    所以要麻煩里奧大人問旅遊大使了   里奧大人用英文問佢   佢話講普通話好啲   咁無問題啦   最緊要大家溝通到嘛   同埋佢好詳細講解要去嘅位置   對我哋呢啲旅遊人士真係有好大幫助㗎   咁再問埋去東大門方向   佢話無咗傳統市場㗎喇   聽完都有啲可惜

終於到 Migliore

好似幾多嘢行咁噃

男裝無咩特別

好少見有鬚嘅 Model 公仔

登台衫   哈哈

女裝同樣係無咩特別

除咗店員   呢層得我哋兩個貴賓   哈哈哈哈

無人嘅

有幾件都 OK 嘅   不過無價錢牌就唔買 lu

又去咗 DOOTA 行下

唔知係咩公司

真係唔知 Sell 咩

GS25   總有一間喺左近

想買嘢飲   但又唔吸引所以無買

一陣先飲香蕉奶

影咗當食咗

我都幾鍾意食有糖粉嘅麵包   但一定要坐定定食呢

喺入面遊蕩咗 10 分鐘先出番嚟

其實多唔多人食呢 ?!

天氣熱   真係好多嘢明明想食   都會變咗唔想食   哈哈

毛巾顏色都幾靚

曬

企喺度等過馬路都想暈   哈哈

幾得意喎

東大門地下購物中心

又見到韓服店

要充值 T-Money

喺韓國搭地鐵有得坐   我覺得係好幸福嘅事   因為喺地鐵站入面行   都用咗唔少時間   哈哈

地鐵站入面嘅設計都幾花心思

呢個設計真係值得讚㗎

我都想坐上去   哈哈哈哈

又要行一段路

今日搭地鐵真係唔算多人

搭地鐵常態

一個 Rotiboy 接近 HK$20   我嗰時去馬來西亞食   好似 RM2 咋   但係十幾年前   哈哈

番工放工咁行法   其實都真係攰   特別男仕要揹住個背囊

又到弘大了

街頭小食係吸引   但樣樣炸就有啲驚   哈哈

食物顏色唔係咁㗎   係我部手機有問題先影到咁呢

行咗幾日   但我都認唔到路   哈哈

其實每次見到 GS25   就第一時間諗起 ASTRO

要買香蕉奶飲喇

其他奶真係無咩興趣   好耐好耐之前飲奶   飲完之後皮膚即刻起紅點   醫生話係敏感   自此之後就無再飲鮮奶了

香蕉奶 (1,700W)   我覺得好味道呀

呢日未完㗎 ^^