鹽酥豬扒肉燥飯 + 鹽酥雞粒肉燥飯 (外賣) @ 屋企 ( 9-JUN-2023 )

鹽酥豬扒肉燥飯 - 我鍾意食啲菜甫同粟米   豬扒真係其次   哈哈

鹽酥雞粒肉燥飯 - 自從食咗一次之後   次次問里奧大人想食咩 ?!   佢都會話台灣嘢   所以今次食到   佢好開心啦

( 9-JUN-2023  FRI )

尋晚瞓到半夜   熱到成條頸都係汗呀   本身諗住沖涼   但抹完之後又無立痴痴都照瞓喇   始終沖完涼真係會醒醒哋呢 ~

一起身同里奧大人講話熱醒   佢話今晚校低 1 度   睇下會唔會凍啲 ~

依家朝早反而沖身耐咗   出咗汗點都要用梘液沖身嘛   再加埋依家又用少少洗頭水洗頭   所以里奧大人有次以為我暈咗   因為我以前好快手家嘛   哈哈 ~

早餐仍然食咖啡瑞士卷   都仍然覺得好味道㗎 ~

菇場唔忙就太好啦   因為今日 3D   同埋成朝同阿花 Whatsapp 傾旅行嘢   唔怪得眼睛濛濛啦 ~  

Lunch Time 出去 360 買乳酪   之後買埋鯪魚球河就番菇場喇 ~

今次扣底   但份量都咁多嘅

仍然唔忙   繼續傾偈到放工 ~

今晚唔煮喇   同里奧大人一齊去買晚餐番屋企食 ~

沖埋涼先食   食完就可以好舒服咁灘抖喇 ~

呢兩日個肚都扯住唔舒服   估唔到真係停藥之後 3 日就即刻每月一到   不過今次個肚有啲痛   唔知會唔會因為之前飲得太多啤酒同涼嘢呢 ?!

又睇 "社內相親"   真係幾好笑嘅   不過睇到 10 點都瞓覺喇   個肚有啲扯住痛   所以沖多次熱水涼都瞓覺 lu ~