尋日成日都好開心...因為夜晚可以見到我深愛嘅朱朱
放工即走人啦...好快咁就去到媽咪屋企 lu...一見到深愛既朱朱熱烈地歡迎我...真係開心到爆呀
嘩...原來尋日家姐工人無去度媽咪屋企...所以要媽咪親自煮餸呀...媽咪煮左 4 樣餸添呀...有燜節瓜海參雞腳 + 茄汁豬扒 + 煎沙椎魚 + 灼白菜仔 + 南棗北芪豬展湯...但係得我同媽咪兩個人食咋噃...之後家姐同里奧大人打黎問有咩餸呀...我話有咁咁咁..之後佢地都係話 : 嘩...咁多餸??話時話又真係幾多喎...但我當時唔覺得多...因為次次番親屋企食都有 4-5 樣餸...而且家姐同工人都喺度食...但今次佢地唔喺度咪好似好多咁囉
食完飯媽咪洗碗...我好嘆呀...食完唔洗做...之後再同媽咪一齊睇電視...一齊傾計...一齊食日本番薯同提子...嘩...好有賞月 feel 呀
之後媽咪瞓覺 lu...我就同深愛既朱朱一齊 "灘" 喺梳化度溫書...朱朱仲 "灘" 落我心口度係咁 "lam" 我塊瞼添呀...好鍾意呀
我家朱朱真係好得意架....我瞓佢又瞓...我 vv 佢又 vv ...佢成晚喺度昅實我架...我一郁佢就望...我一落床佢就撲...試過有次我瞓得唔好...每個鐘頭都醒一次去 vv...點知每次朱朱都跟住我呀...oh...妳話幾窩心呢...所以次次我第朝一走佢就會由朝瞓到晚...因為成晚無瞓過呀...次次都係咁架...勁搞笑呢
今朝好開心呀...因為同深愛既朱朱..媽咪同家姐一齊食早餐...同家姐 share 油占多 + 五香肉丁麵 + 火腿腸仔...今次飲熱咖啡喇...因為早左起身...好驚無精神番工呀
番到公司有做喎...不過無咩 mood 做添...晏晝梗係帶飯啦...唔駛自己煮既特別好味
hoho...晏晝 very very
嘆呀...做下野...msn...睇下 blog 咁囉
沒有留言:
發佈留言