住家菜 @ 尖沙咀 ( 14-jan-2011 )

雞腳眉豆豬骨湯 - 好多材料   好鮮甜   真係好好飲 

鐵板鳳陽豆腐 - 個汁 ok   豆腐都滑   配菜又爽口   唔錯唔錯   不過我其實麻麻地鍾意食豬肉同豆腐囉 沙拉骨 - ok 啦   無咩特別   不過家姐就好鍾意食   佢又係好鍾意食醬架  鮮果咕嚕肉 - d 生果好鮮下喎   一 d 都唔酸   個咕嚕肉都 ok   細細粒容易食呀 金銀蛋菜心 - 呢個無特別啦   同埋鹹蛋同皮蛋太大舊   我鍾意細細粒多 d   鮑魚雞粒筒飯 - 我覺得鹹囉   但佢地話好味   話 d 飯粒粒分明同好煙韌   但我唔覺煙韌喎   陳皮紅豆沙 - 應該用 d 幾靚嘅陳皮黎煲嘅   陳皮好食   但呢個甜品一 d 甜味都無囉   

( 14-jan-2011 fri )
yo happy friday 喇   今日無咁凍   又有太陽   心情真係勁好呀 ~

今朝同里奧大人食早餐   之後就幫菇場掃貨   10 點番到菇場   下嘢   話咁快就 lunch 喇 ~ 

早餐食得太 heavy   所以呢   晏晝食兩餸飯   蕃茄炒蛋 + 南瓜   清清地唔錯   我好鍾意食呢間整南瓜 d 汁架   自己唔識煮就好 lu ~  

今晚約咗家姐 & 糟糟兩姐妹一齊去住家菜食飯   我同糟糟家姐都係 2 月生日   佢早我 3 日   所以家姐 & 糟糟話請我地食生日飯喎   呢間標榜無味精   不過我覺得好鹹囉   但應該真係無味精嘅   因為食完都唔口渴   但只限食 1.5 hrs   所以都好趕   同埋好快上菜   我好唔鍾意咁囉   一黎就黎哂   d 嘢好快凍家嘛   同埋比我感覺好似迫人走咁囉 ~ 
家姐要去永安買嘢   咁啱佢地又要去買喼   所以一齊行去買   之後就車埋我地番屋企   爽呀 ~