環遊世界薄餅 (薄批) - 凍咗 d 唔係仲好食 薄批無咁飽 我鍾意食架
蒜蓉包 - 無咩特別
呢排凍嘛 媽咪一開暖爐 寶寶就會坐喺媽咪隔離架 好得意呀 如果平時我地喺度 佢唔會咁大膽出黎架 唔通佢真係好怕凍 ?! ( 13-jan-2011 thu )
好快又到星期四咁呀 咁就差唔多過咗半個月 d 時間真係過得好快好快呀 ~
今朝好似無咁凍 可能適應咗啦 我又早咗出門口 所以去搭地鐵 行多 d 好 d 嘅 天氣唔熱嘅話 ~
行到去餐廳都有 d 熱 但又好想食湯米粉喎 所以熱上加熱呀 oh no ~
菇場都一般忙 10 點幾就收到媽咪電話 話今日可以出院 但佢就想我放工接佢出院 咁當然無問題啦 ~
知道媽咪出院 心情即刻好番哂 因為次次媽咪入院 我覺得自己好似遊魂咁 無心機做嘢 同埋好多嘢都唔記得咁 淨係好擔心媽咪 ~
晏晝出去行一陣 之後再買 Big Mac 番菇場慢慢食 $20 好抵呀 因為超飽呀 唔知點解 我食嘢嘅時候唔多鍾意飲嘢 多數食完先飲幾啖嘢 ~
差唔多 3 點幾媽咪打黎話叫朋友陪佢出院 話難得好好太陽 想番屋企沖個涼喎 咁都好 我夜晚拎完中藥就可以直接番媽咪屋企 又唔知點解 次次一去到媽咪屋企就好鬼餓 我其實麻麻地 like 食曲奇 但去到媽咪屋企見到曲奇又好想食喎 ~
今晚叫 Cheese Pizza 外賣 佢地又話要 40 分鐘先送到 點知 20 分鐘就已經送到黎 快唔係唔好 不過家姐未番嘛 如果 40 分鐘先送黎 家姐就啱啱番到屋企 咁就可以食新鮮熱辣嘅 pizza 嘛 好在家姐番到黎嘅時候 個 pizza 底仲脆咋 家姐拎咗糖水番黎 佢好鍾意乜都同我 share 一齊食架 同埋佢覺得特別好味嘅嘢 點都會留比我食 係都要我食到為止 我媽咪成日話佢痴線呢 ~
沒有留言:
發佈留言