香草瑞士汁雞翼 + 粟米湯 ( 18-jan-2011 )

( 18-jan-2011 tue )
今朝食扒鹹牛肉芝士治   第一次食架咋   鹹到呢   同埋覺得超級無敵勁肥呀 ~

忙咗成朝呀   晏晝同 8 卦出去食飯   佢食飯真係超級快   佢碟飯就好快有   所以叫佢食先   之後我碟飯到喇   佢已經差唔多食剩 1/3   我又影下相   之後我見佢已經食哂   好在佢仲有杯嘢未飲   唔係望住我食   我會好唔自然囉 ~ 
里奧大人上咗大陸   所以要 8 點先番到屋企   我可以多 d 時間行下買下嘢   今次買咗 d 雞仔餅   蛋糕仔同冬瓜蓉麼囉酥   十蚊四件   每樣要 d 都幾好   無咁悶嘛 ~

本來想去超市買菜   但 $10 / 2包果 d菜實在太小喇   但買 $20 又覺得好唔抵   所以最後決定唔買   開粟米湯算數 ~

今晚里奧大人陪我拎電話 所以我就煮定晚餐   咁佢一打電話黎   我就可以出門口   咁樣慳番好多時間架   我又唔想出街食   搞掂哂都差唔多 9 點先開餐   我覺得好夜呀   又餓喎 ~
是日懶餐 - 香草瑞士汁雞翼 + 粟米湯
香草瑞士汁雞翼 - 今次用片糖   估唔到好快就好深色   我超開心呀   因為我次次要整好耐先好深色架   唔知係咪今次同片糖有關呢 ~

粟米湯 - 一罐粟米湯 + 一罐粟米蓉   感覺多 d 蔬菜咁   good ~  
依家我好下定決心做運動呀   因為我想血氣好 d   咁個人都應該會瞓得好 d   個人都應該精神 d 囉   條命都應該長 d 呀   嘩哈哈哈 ~