黑椒扎肉銀絲米粉 + 唐生菜 + 蕃茄薯仔魚湯 ( 8-jan-2011 )

( 8-jan-2011 sat )
呢朝超餓呀   所以食個通粉再加杯熱檸茶   超滿足呀 ~

番到菇場好忙呀   差唔多放工先做完   好充實呀 ~
里奧大人呢日要番工   所以尋晚約好今日 lunch 去飲茶   我要買洗衣球   里奧大人就去攞位先   我差唔多 1 點 35分先去到酒樓   今次有策略咁叫點心   叫咗兩樣飽飽地肚嘅點心食住先   之後再等到 2 點鐘下午茶時間就叫 d 大點嘅點心    因為下午茶時間嘅大中小點都係 $9.8 咋   所以叫大點就抵 d 喇 ~
蔥花炸兩 - 里奧大人餓呀  所以叫咗碟飽飽地肚嘅炸兩食住先囉  都 ok 好食
蒸蘿蔔糕 - 好耐無食   覺得都幾好味
榨菜牛肉腸 - 第一次食   d 榨菜幾爽口   唔錯
鹹水角 - 新鮮滾熱辣   正呀鴛鴦臘腸卷 - d 潤腸好肥呀   唔掂   同埋里奧大人唔食呀   我一個人食哂   飽到反眼
古法馬拉糕 - 我太飽   所以食唔落   不過里奧大人話唔好食   好硬架  
一口椒鹽茄子 - 又話一口   但粒粒大到呢   我最唔鍾意就係咁   唔用心去整   最後都食剩一半   實在太飽喇   冰鎮鵝掌翼 - 我為咗呢碟先黎飲茶架咋   超好味   每食一啖都點一下酸醋   當堂無咁滯呀   不過好多翼尖囉   有 d 搵笨   下次唔食 lu

食到好飽好飽好飽呀   本來我想抖多日唔煮飯   但真係好飽   所以都係行去街市買餸當做下運動   真係唔郁唔掂呀 ~
是日懶餐 - 黑椒扎肉銀絲米粉 + 唐生菜 + 蕃茄仔魚湯
黑椒扎肉銀絲米粉 - 懶呀   同埋好飽   食唔落飯   所以煮米粉 ~ 
唐生菜 - 懶呀   炒都唔炒 lu   加片薑就咁灼熟就算喇 ~

蕃茄薯仔魚湯 - 好想飲呢個湯   雖然今次買咗 3 個大蕃茄   但唔係咁甜囉   又可能我加多咗水都未定呀 ~