咕嚕雞球 + 青紅蘿蔔粟米唐排湯 ( 9-jan-2011 )

( 9-jan-2011 sun )
今朝同媽咪 家姐去陶源飲茶   點心就麻麻地好食   不過最抵係有 free parking   因為好小咁早會有呢  ~
炸芋盒
煎蘿蔔糕煎腸粉豆苗蝦餃
醬汁蒸鳳爪

北菇棉花雞
差唔多番到屋企嘅時候   里奧大人就啱啱起身   所以我就買埋麥當勞全餐佢食   唔駛佢咁凍落街食早餐喇 ~
抖多陣就番教會 lu   之後就去睇手機   我部手機間唔中自動開機熄機   咁好唔掂囉   我有好多 reminder 架   一陣無哂就煩   真係唔記得有咩事要做架   唉   其實都唔知有 reminder 係好定唔好   好嘅就一定記得   唔好嘅就係成日依賴佢   不過其實我自己都會盡量記住要做嘅事嘅   但有 reminder 就 pay save 好多囉 ~ 
睇完手機都差唔多 2 點幾   我都有 d 餓   同埋勁想食鱆魚燒呀   所以去 Piago 開餐   之後去埋 Mos Burger   再食埋龜苓膏就番屋企喇 ~

鱆魚燒 + 炒麵

烤牛肉珍珠堡

Mos 炸雞

番到屋企就 ready 煲湯   再煲埋夏枯草比里奧大人清清熱氣   熨埋一機衫   埋頭苦幹係咁做   d 時間過得真係好快呀 ~
是日晚餐 - 咕嚕雞球 + 青紅蘿蔔粟米唐排湯
咕嚕雞球 - 清埋冰箱 d 雞柳   所以就整咕嚕雞球喇   今次獻汁加咗一筒山揸餅   但我覺得味道同無加嘅又無咩分別咁喎   里奧大人應該幾鍾意食咕嚕汁嘅餸   因為佢食得好滋味   同食菜嘅樣簡直係天淵之別呀 ~
青紅蘿蔔粟米唐排湯 - 好耐無煲呢個湯   今晚我特登唔食飯架   食哂 d 湯渣   咁樣無咁浪費嘛   同埋唐排又無乜肉   點辣椒豉油好好味架   我好鍾意呢 ~