大家樂 @ 九龍灣 ( 22-jan-2011 )

烏冬 / 芋絲 / 魚腐 / 生菜 / 冬瓜片 / 粟米 / 冬菇
肥牛

什扒 ( 黑椒汁 )
酥皮湯
炸蕃薯條

( 22-jan-2011 sat )雖然今日係 off   里奧大人 9 點就醒咗   幫我喺電腦度 download d 嘢去我手機度   我都醒醒地   但仲想瞓   懶床 15 分鐘都瞓唔着   所以我都起身梳洗喇   meme 摩摩成 10 點先出門口食早餐   今朝好想去太興食早餐呀   感覺寧靜 d   同埋唔駛咁趕 ~
食完早餐我就去睇中醫喇   約咗 12 點   但差唔多 1 點先睇完   之後再去尖沙咀拎藥   依家要幫 Pantry 買嘢   今期煩啦   要買紅色膠碟   我去Jusco   Piago   百佳廣場   惠康廣場通通都無   咁我難得今日去開尖沙咀   所以就去 Citysuper 睇下   點知一樣無喎   煩到暈呀 ~

唉   3 點喇   我唔搵喇   但超肚餓喇   真係見到乜想食乜咁呀   今次好想去食熱狗   所以去 Hot Dog Formula   上次食唔好味架喎   今次覺得都幾好味   應該餓得滯定啦 ~ 

食完又要再去拎中藥   好在飽咋   當做運動囉   順便去價真棧買埋 nuts ~

今日清潔廚房   所以唔煮啦   同埋滕咗成日   真係有 d 虛脫   我由 6 點鐘瞓到 6 點半   瞓一瞓精神都好 d 呢 ~好想打邊爐呀   不過里奧大人又唔想   so   去大家樂最好啦   可以各自食嘛 ~  

本來頭先順便去埋 Piago 買紅色膠碟架   不過里奧大人叫我唔好咁辛苦   食完飯再陪我去喎   算佢啦   知我辛苦 ~唉   又係無得買膠碟   無計啦   真係要家姐幫手先得咯 ~