牛仔骨 + 牛柳粒 - ok 啦 不過無咩味
辣牛肉 - 牛肉囉 唔可以話辣 因為又係無咩味
牛扒 - 一樣無味 嘩哈哈
辣豬扒 + 辣豬肉 - 講到我悶啦 又係無味
所以一定一定要蘸辣椒粉
多春魚 好考心機架
粟一燒 最期待燒粟米 但粟米係無味 @@
我唔鍾意食凍咗嘅菜 咁多數會炒一炒先 不過變咗好多油 哈哈
椒鹽魷魚鬚都有椒鹽味 但中華沙律 & 酸辣鳳爪就無味
壽司 白色果塊好似醃蘿蔔
三文魚刺身 + 壽司
里奧大人必食涼粉 我就食咗小小
里奧大人一坐低就食呢個豆沙煎堆 食到半路又食多個 想唔飽都難啦 @@
咖啡雪糕好味呀 我食咗 2 球 因為自己唔會買呢隻味 我都有食黑芝麻雪糕 但完全係無味 勁呀
最後食埋啫喱糖 口感都 ok
我地坐卡位 好舒服呢
對住電視唔錯架
都幾多款 但我都係主打食牛同豬
都好多蔬菜 不過就唔太吸引喇 但平時我去食韓燒 我會梅花間竹咁食菜同食肉 但今晚唔係囉 怪
最驚 d 毛巾周圍擺 仲要擺喺 d 食物附近添 @@
又係擺咗條毛巾 雖然條毛巾都白雪雪好乾淨 但咁擺法 比人感覺都唔好啦
( 10-JAN-2015 SAT )
今朝 7 點 45 分起身 不過都唔會 meme 摩摩 因為呢排等 van 仔等好耐 咁星期六嘅班次又無咁密 所以都係早 d 出門口會好 d ~
食到一半 8 卦又黎埋 依家佢都好小話約食早餐 因為佢都知我喺邊度食 除非去試食嘢先會約囉 ~
唉 今朝阿姐唔小心 將枱果杯人地飲剩咗凍檸茶整跌咗 倒哂落我件褸度 嗚嗚 今日我仲要去街添 不過佢都好驚 係咁話唔好意思 又叫我洗咗件褸會比番錢我 又拎條新毛巾比我索乾 好在件褸可以落機洗咋 唔係今日就要去舖頭架喇 ~
菇場唔忙 skype 傾計到放工 勁爽 哈哈 ~
今日要申請回鄉卡 所以同里奧大人會去 Megabox 佢就早 d 去酒樓攞位 我放工就搭巴士去 Megabox 幾個站都要 $9.1 都好貴呢 ~
又唔係話好餓 所以今次食得唔係好多 不過家姐成日話我同里奧大人飲茶食好多嘢 車 上次同佢飲 諗住一齊食多 d 嘢之嘛 所以先叫 9 樣嘢 但我都記得最勁果次同里奧大人兩個飲茶 好似食咗 9 籠點心定 7 籠點心 同枱阿叔都話我地好食得呀 哈哈 ~
木耳 ( 小吃 ) - 今次無炸蝦片添 不過我都想食木耳 係下腸胃嘛 同埋辣辣地幾好味
香脆叉燒包
鮮蝦炸雲吞
安蝦鹹水角
金菇牛肉腸粉
飲到 2 點幾就走喇 雖然 book 咗 4 點去中旅社 但想早 d 去早 d 搞掂 ~
行到去到啱啱 3 點 再睇番手機資料 原來係 book 咗 3 點 哈哈 成日以為係 4 點添 ~
拎咗 830 籌 去到只係叫到 726 起碼都要 1 個鐘架喇 不過叫得都好快 幾分鐘就叫 1 個 number 估唔到咁有效率噃 ~
呢間中旅社好多人呀 又加上係星期六呢 好在有位坐 之後再睇下申請雖知 原來係要回鄉卡同身分證副本 又要去影印 ~
到我拎啦 原來唔可以帶自己影嘅相 一定要有光碟 file 同埋頭髮唔可以遮耳仔喎 所以要去再影囉 $30 有 4 張 阿姐好細心呀 幫我整好 d 髮尾 又幫我整好夾喺前面嘅頭髮 叫我望低小小 咁樣塊臉無咁肥 嘩哈哈哈哈 好在里奧大人聽唔到咋 唔係又笑架喇 ~
搞掂哂都係 4 點 比我地預期中快 如果唔係要再影相嘅就更快呢 ~
聽日我要參加教事奉人員聚會同探訪 所以都陪唔到里奧大人 咁佢反而話想今日陪我 聽日先自己去買電腦或者 Samsung Tablet 因為佢其實知我唔鍾意去睇電腦嘢 但我話今日買好過啦 聽日喺屋企休息好過 所以去深水埗喇 電腦睇唔啱心水 所以去星際買 Samsung Tablet 喇 ~
出到旺角都 5 點 45 分 其實我有 d 餓 所以里奧大人就話食嘢先 去到星際附近 見到瓊華中心有韓燒 咁就去試下喇 最正係無限時段呢 我地都係食到 8 點幾就走人 ~
去完星際買 Samsung Tablet 再去莎莎買暖手包 之後坐 van 仔番屋企 lu ~
今晚唔徑步喇 所以沖完涼就休息 睇 "上班族楚漢誌 " 睇到 1 點呀 要即瞓喇 ~
沒有留言:
發佈留言