蠔油燜鮑魚腩肉 + 青紅蘿蔔豬骨湯 ( 9-JAN-2015 )

( 9-JAN-2015  FRI )

話咁快又星期尾 lu   真係好喇   可以抖下 ~

早餐又又食芝腿治烘底   今次先似烘底嘛 ~

菇場又忙忙地   太心急做反而變咗做慢咗   頭先搵個 file 搵咗幾次   以為唔見咗   勁驚啦   原來係唔同公司名   所以搵咗幾次之後   要等自己冷靜下先再搵   好在搵到 ~

Lunch 出去食   行陣就番菇場喇   好熱咁 ~ 

放工即走 lu   今日所有超市特價買 Tempo 廁紙都係 $99 / 3 條   所以去 Taste 睇下   不過無貨囉   咁啱里奧大人打黎話已經喺九龍塘   咁我都番屋企 lu   如果係以前   走到天腳底都要買到呀   哈 ~

里奧大人話想食 pizza   因為我之前話好想食   不過我話唔食喇   媽咪煮咗 d 餸同湯比我地   咁食埋先啦   今餐就咁蒸熱就得   所以 6 點半就搞掂喇   哈 ~      

是日懶餐 - 蠔油燜鮑魚腩肉 + 青紅蘿蔔豬骨湯  

蠔油燜鮑魚腩肉 - 叫媽咪唔好再整雞比我食   佢係都要整   但我覺得佢係記得囉   因為佢尋晚就咁講話整咗鮑魚腩肉   無提過話有雞   肯定係知道我唔鍾意有雞啦   不過算啦   我唔食   里奧大人都可以食呢 ~   

青紅蘿蔔豬骨湯 ~ 今次媽咪用豬筒骨煲湯   一開個盒蓋都知 d 湯好肥   因為 d 湯係凝結咗   媽咪呢期煲 d 豬骨湯都係咁   飲完好滯   所以我都同媽咪講話下次 d 湯咁肥   唔駛比我   之後佢話飲唔到就倒咗去   我話妳咁辛苦煲   我又咁辛苦拎   咁掉咗去不如妳唔好煲仲好啦   真係唔明咩心態囉   有 d 暈 ~

搞掂哂都係 7 點幾   實在太好喇   如果平時係咁就好 lu ~

里奧大人做公司嘢   我就熨 2 機衫   之後佢做完就幫手熨衫   其實仲未熨完   但想去徑步囉   所以 8 點半就出去徑步喇 ~

今晚無咩風   所以徑咗半個鐘就番屋企 lu   沖完涼就睇陣報紙   之後再睇 "上班族楚漢誌 "   講公公同呂雉一齊跳舞   諗番起以前果 part 好感人呀   喊到我呢   好耐無睇劇睇到喊喇   今晚仲喊咗 2 次   因為 "來生不做香港人" 瀟灑同美行分手果 part 又係好感人 ~

差唔多 11 點 45 分先瞓   希望聽朝唔好眼腫啦   哈哈 ~