譚仔 ( 三哥 ) 雲南米線 @ 九龍灣 ( 13-JAN-2015 )

( 13-JAN-2015  TUE )

里奧大人今日上大陸   所以要早 d 起身   咁我鬧鐘響咗之後都唔敢懶床   唔係一陣瞓着咗就慘喇 ~

今朝 7 點 55 分夠可以就出門口喇   但平時同里奧大人一齊出門口呢   就要 8 點 05 分   因為佢等下我   我又等下佢   實會比自己一個嘅時候慢 d 呢 ~

喺屋企已經覺得好凍   又落埋毛毛雨喎   所以出到街就勁凍喇 ~

咁凍其實想食米粉餐   但又唔太餓   食奶油多算 lu ~

菇場忙呀   忙到 lunch time   真係即出去買嘢食喇   要比對眼抖下 ~

食完又要做嘢喇   放工都未做完   聽日再努力 ~

今晚要去 QE 探婆婆   好感恩有佐敦 van 囉   今日 lunch time 我同船頭一齊搭 lift   我諗緊有無巴士去佐敦   船頭見到我個人咁仇   問我咩事   我咪話諗緊有無巴士去佐敦囉   之後佢話有呀   所以我就唔駛搭地鐵喇   勁正 ~

5 點 45 分有 van 仔   啱啱有架巴士想駛出去   勁驚 van 仔司機睇唔到我呀   我勁揚手囉   成個顛婆咁 ~

6 點 05 分到佐敦   真係好快呀   因為我想去廟街買洗頭水同護髮素   買完打比大食表妹   諗住一齊搭 van 仔去醫院   點知佢仲喺大角咀   咁我唔等佢啦   拎住 2 支嘢好鬼重 ~

我帶咗口罩   婆婆勁好眼力   一睇就睇到 ~

諗住同婆婆傾下計   點知大粵父係咁同我講嘢喎   咁之後大食表妹同傳道人都黎咗   咁我同大舅父出去啦   同埋大舅母一齊傾   傾到已經 7 點半   咁里奧大人都已經喺羅湖   大食又話想走   咁拉埋我一齊走囉 ~

我地同埋阿姨姨丈一齊走   大食話佢地話同佢食 pizza   點知原來係大食一廂情願囉   人地都無話同佢食   係佢"以為" 人地想食   因為婆婆入院果晚   大食話姨丈本來想食 pizza   不過大食帶佢去食齋   所以 "佢覺得姨丈係好想食 pizza"   我真係頂佢唔順   問清楚丫嘛 ~

本來諗住陪佢食麥記啦   一個人咁慘嘛   咁我再打比里奧大人問佢喺邊先   佢話已經喺大圍   咁我同大食講話唔陪佢 lu   好在我不嬲都話番九龍灣食嘢咋   唔係好似好衰咁   之後佢居然話佢屋企係有飯食   不過頭先以為阿姨同佢食   所以話遲 d 先覆媽咪囉 ~

我搭 van 仔番九龍灣   咁里奧大人仲喺九龍塘   10 分鐘之後里奧大人話已經喺九龍灣   好似好快咁   哈哈 ~

今晚去譚仔食嘢   都好多人噃   可能天氣凍呀 ~

食完去超市買 Tempo 廁紙   因為 $99/3條仲有 95折   真係好抵   同埋最開心係有 Applewood 味道   好香呀 ~

去到大堂見到對面單位嘅男仔   佢對眼好好奇買咁多廁紙咁呀   不過我係咁問佢嘢   所以佢無機會問我嘢   哈哈 ~   

番到屋企即沖涼喇   勁攰   睇多陣電視   11 點幾都瞓 lu ~