PART 1/2 西貢環島遊 ( 24-JAN-2015 )

( 24-JAN-2015  SAT )

今朝里奧大人 9 點唔夠起身整電腦 lu   咁我就懶床到 9 點幾   之後問里奧大人仲瞓唔瞓   佢話瞓咗 12 個鐘都夠喇   哈 ~

咁梳洗就落去食早餐   食完就番屋企沖涼   抖下   咁尋晚幫咗家姐買蛋糕同湯丸   咁啱家姐又去坑口配藥   所以順便車埋我地去坑口地鐵站喇   因為果度有 101M 去西貢呢 ~

家姐差唔多 12 點半先到   去到坑口都 12 點 45 分   好感恩我地一落車就見到 101M 小巴站   上車無耐又開車   差唔多 1 點就到西貢市中心   天氣其實都灰灰暗暗   但天文台話今晚先會有一兩陣雨   咁信佢啦   所以去買環島遊船飛   之後就即去食嘢喇 ~

今次係里奧大人嘅朋友 "鬼仔" 介紹嘅   咁我地又去下咁囉   $80/位   玩 2 個半鐘   咁都幾抵丫   不過坐船坐好耐咁囉 ~   

天陰陰

就係跟呢間 "生記" 環島遊喇 

今次唔食得泰國菜喇   因為 2 點開船   咁真係要快囉   所以去松記車仔麵   不過我覺得又貴又唔好食   嗚 ~

炸魚皮 + 籮白米粉  

原來就咁牛腩麵已經係 $27   再加埋泰式魚餅 + 炸黃金墨魚卷就已經 $43

香滑珍珠奶茶

我就係食食下睇到 $43   以為佢地計錯數   之後問點解係 $43   我覺得唔值囉   又唔係好食喎 ~  

我地跟呢個行程

2 點去到碼頭   諗住即開船添   點知 2 點 10 分先開船 ~

坐喺船無嘢做就影下人咁啦

之前就跟過呢間 "貓記" 環島遊 

我覺得影到塊木 ( 左邊 ) 好似塊蜜糖脆餅   好令身   好脆好好味咁 

如果我放咗支水喺枱   一定唔會記得拎番呢

出發喇   我地坐船尾   開揚 d 嘛   哈 ~~~~

撞色

仲同人撞埋鞋添   嘩哈哈   不過係同色唔同款   但遠睇就勁似同款呢

後面架船都係同我地行同一路線

我好小見到呢 d 船身   應該係喺度住埋架喇

好似想落雨咁   其實我係教暗咗   哈   因為我想睇下 d 雲嘅層次

我的船伕

我想坐出面影相   不過里奧大人話危險喎

無遮無檔   凍到呢

唔同相機影   天空顏色都唔同   我都係鍾意自己部機嘅顏色多 d   哈 

好凍呀   所以將件衫領包住個頭   里奧大人話好似俄羅斯公仔   一個個由細至大果 d 呢

好大浪   隻船想撞埋去咁

之後介紹 "象鼻洞"   船伕停低咗隻船比我地影相   就咁話係象鼻洞   咁唯有 " 3 分形象   7 分想像   唔想唔像   越想越像" 啦 ~~~~ 

我覺得點睇都唔像呀   哈 

我地又繼續飄去另一個地方喇 ~~~~~~~~~~

悶到同船伕傾計

海中心真係無咩好影    所以一見到船就影下啦   無咁悶 

中間位置唔知係咪碼頭   我見到有 d 屋有 d 人咁架   不過我地唔喺去果度囉

無啦啦有嚿石凸出黎   夜晚出海真係好危險呢

好多隻手指

同妳 say hi ~~~~

唔知洞入面有咩睇呢 ?!

漁排

有哂 number 

漁排實有狗   好耐之前同朋友去漁排玩   隻狗同埋我地一齊行黎行去   勁驚囉

好穩固咁噃

到喇 ~~~~



落船喇   其實我地唔知邊度架   只知道有半個鐘 "慢慢行慢慢影" 囉 ~

埋岸嘅時候係好大浪   隻船拋下拋下   咁我地係最尾先上船   我嚇到同里奧大人講話唔上岸呀   佢聽完覺得好驚啦   哈哈   咁難得可以鬆一鬆筋骨   好感恩最後隻船無拋   我地可以安全上岸呢  

親眼見到係好震撼架   全地都係魚仔

諗緊點影好 ?!?!



我地要行入去嘛   咁見到隻狗瞓喺度   我好驚囉   之後里奧大人話唔駛驚   後尾有個男人出黎望實隻狗   咁我都定 d   因為隻狗應該係佢養   聽佢話嘛      

全地都係魚仔

有間士多   不過無人架   增添神秘感   哈 

雖然對眼好純   不過我都驚   哈哈 



又見到佢   

見到月亮喇   超勁難影 

應該無人住 

條路咁窄   阿狗先生你比條生路行下好喎

繼續行前 

唔會放過任何地方放魚仔

用手機影嘅全景

有人準備出海玩獨木舟

離遠見到   以為係鐵線   原來係一大堆魚仔

Load 相嘅時候   我以為係里奧大人影架   因為見到對波鞋   但後尾再睇 d  number 先知原來係我影架   哈哈   我同隻狗擦身而過架   嚇到我腳有 d 軟   係咁捉實里奧大人   隻狗又無啦啦聞下我呀   勁驚啦   好在里奧大人引下佢   佢先走開   嚇死我呀   里奧大人叫我千奇唔好掂 d 魚仔   唔係隻狗以為我偷嘢喎        

十字架

呢條樓梯可以上去架   但比 d 草遮住哂囉 

零零舍舍一條大魚



企喺呢個亭入面影相   大風到呢

有 d 人氣   哈哈

我好鍾意呢 d 牆身   不過就超級難打理呢

呢日未完架