蕃茄肉碎湯螺絲粉 + 沙參玉竹 當參鱷魚肉湯 ( 23-JAN-2015 )

( 23-JAN-2015  FRI )

終於星期五喇   勁開心   因為聽日 off ~

今朝早咗出門口   所以早咗到茶餐廳   諗住多 d 時間睇報紙   點知 8 卦原來喺我後面   咁又無得睇報紙 lu ~

菇場忙呀   但今日一定要做完囉 ~

對嘢對到眼都濛埋   所以要出去抖抖   食完嘢就去超市買嘢喇   番到菇場又要即刻開工喇 ~

4 點幾搞掂哂   咁放工當然即刻走啦   里奧大人話今晚會夜 d 番   咁我去完街市買嘢再去超市買嘢 lu ~

番到屋企已經 6 點半   咁開始慢慢預備晚餐啦   煮煮下嘢   里奧大人打黎話放工   咁我又要開行 turbo 煮嘢啦 ~ 

煮完就里奧大人啱啱番到屋企   我話咁早嘅   佢好愕然話都唔早啦   都 8 點喇   因為頭先我無睇佢幾點打黎   同埋明明話夜 d 番家嘛   仲諗住 9 點添 ~   

是日晚餐 - 蕃茄肉碎湯螺絲粉 + 沙參玉竹 當參鱷魚肉湯 

蕃茄肉碎湯螺絲粉 - 里奧大人感冒嘛   所以煮蕃茄湯粉比佢食囉   加埋洋蔥蒜頭   殺哂 d 菌   不過湯底無咩味囉   里奧大人話無所謂   清清地   哈哈 ~

沙參玉竹 當參鱷魚肉湯 - 媽咪煲架   不過里奧大人唔飲得   因為媽咪感冒唔好飲沙參玉竹 ~

搞掂哂都 9 點   里奧大人就沖涼瞓覺喇   我就出去徑步   今晚都係徑咗半個鐘就番屋企 lu ~

沖埋涼   依家 HKTV 播嘅劇唔好睇   咁所以電視都唔駛開   但我又未眼瞓   所以打機同睇報紙   12 點幾先瞓呀 ~