打邊爐 @ 家姐屋企 ( 3-JAN-2015 )

仲有唐生果同金菇   打邊爐唔可以食菜   我唔太鍾意啖啖肉咁呢

家姐最愛嘅蟹捧 & 雜丸 

蝦卷 + 魚腐 + 魚片 + 鮮腐竹

流浮山生蠔 - 家姐話呢度係 $40 有 7 隻   好似買咗半斤   因為驚唔好食   但家姐話其他檔口全部係 $40 一斤   價錢差咁遠都有嘅   所以家姐話買檔貴 d 穩陣 d 喎   但呢檔真係好食呀   好爽口好滑  

家姐一定會買肥牛比我食架   要補血喎   佢話呢碟肥牛係 $100   同平時喺新都城買嘅唔同   因為唔係手切   驚唔好食呀   但其實都 ok 喎   有牛味又唔鞋   

魷魚 + 牛柏葉   里奧大人唔食架   所以家姐又會買比我食呢

魚皮餃 + 水餃 + 雲吞

鯪魚滑 - 真係好滑喎

炸魚皮 - 買咗 $30   今次食唔哂   哈哈

指天椒 - 我勁呀   無落到呢

蒜蓉 - 我最愛架   聽朝起身就蒜氣沖天   嘩哈哈哈哈

芫茜皮蛋馬蹄豆腐湯底

里奧大人話家姐好多耳屎   嘩哈哈

( 3-JAN-2015  SAT )

今朝約咗 8 卦食早餐   所以 7 點 45 分要起身 lu   估唔到佢仲早到過我   我去到呢   佢已經食哂成個麵   佢10 分鐘就 ko 哂碗豬扒麵   又係望住我食啦 ~

菇場有嘢做   但就同 8 卦邊做邊傾囉   其實佢都有嘢做   不過無 mood   所以係咁講講講   仲要講劇情   佢真係正宗師奶   如果里奧大人係咁就慘喇   嘩哈 ~   

問家姐今晚食咩   佢話未知   咁我話去佢屋企打邊爐   真係好好彩   因為佢咁啱要出去買餸   所以我都即打比里奧大人   問佢去唔去   其實我好小咁打比佢架   多數等佢醒咗打比我   但緊急關頭   都要打比佢喇   哈 ~  

放工即走 lu   同里奧大人喺德福等   之後一齊去旅行社睇資料   丫   好在睇一睇回鄉卡咋   原來 2 月 2 日到期   里奧大人仲話我張無咁快過期添 @@

睇完就食嘢   之後去舖頭拎衫 lu ~

去到舖頭   咁姑奶話同我地食 tea   但頭先里奧大人話佢自己同緊朋友食家嘛   仲以為唔同我地食   咁我地又唔駛食兩餐咁辛苦   哈   不過我真係食唔落   但無可能 3 個人食一個餐咁肉酸家嘛   所以叫里奧大人點都要叫嘢食囉 ~

食下傾下   拎埋衫   再去德福睇波鞋   順便買個藍莓丹麥酥比家姐   番到屋企都 5 點 lu   再飲埋碗湯就抖下先 ~

媽咪煲嘅當參山斑魚湯

抖到 6 點半就出打口喇   家姐黎接我地   我等佢好過佢等我呢 ~

7 點幾開始打喇   多人打邊爐真係好好多   可以食多 d 嘢   哈哈 ~   

B 頭   佢年紀最大   但就最細粒   所以 B 仔同麥包成日蝦佢   搶佢 d 嘢食

麥包

B 仔   佢好鍾坐喺里奧大人隔離架   唔痴女人架   嘩哈哈

麥包

唔好再影我喇下 ~~~~~~~~~~

打到差唔多 9 點   飲杯雪梨水再食埋生果   超級勁飽呀   又凍喎   勁想瞓   所以抖到 10 點就走喇 ~

佢都想瞓覺 lu

同一個 tone   哈哈   唔小心扯起 d 狗皮當係張被就慘

痴埋一嚿最暖啦

B 頭

家姐屋企好鬼凍   上到架車仲凍   里奧大人話開暖氣   家姐求求其其開咗冷氣   好在里奧大人幫佢睇下咋 @@

番到屋企即沖超熱水涼喇   之後就睇電視   實在太飽   要多 d 時間消化   所以差唔多 12 點先瞓 ~