黃金脆竹卷
鳳城水餃
四寶丸
北海三鮮 ( 珊瑚蚌 / 桂花蚌 / 雪花蚌 ) - 樣樣有 d 都唔錯
美國肥牛 - 叫錯咗呢個肥牛添
手唧蟹籽麵
田園菜籃
Asahi X 3 支 (大) - Ivy 兩公婆好飲得 ( 對我黎講 ) 里奧大人飲咗大半支都話夠 我最勁 飲咗兩啖 所以最後都係叫咗罐忌廉
( 11-JAN-2015 SUN )
今朝要番教會 所以 10 點起身 鬧鐘響咗都懶床 10 分先起捨得起身 下次真係唔可以咁夜瞓呀 ~
食完早餐 抖陣就番教會 lu ~
崇拜完畢之後 我要留喺教會參加事奉聚會 所以里奧大人就番屋企喇 ~
1 點開始講下一陣程序係點 之後就食嘢 lu 1 點 15 分至 45 分就係用膳時間 教會安排咗沙律同三文治 我食咗芝腿治同小小沙律 又同 d 教友傾計 好似講幾講就要番入去開會咁 哈 ~
依家教會越來越多人 以前都做過司事 係好簡單 依家要好有程序去做 有 d 壓力 哈哈 因為編咗下星期到我做嘛 好在有組長跟住 唔係做錯就唔好啦 ~
2 點半搞掂 約咗義工隊 2 點 45 分喺大堂集合 祈禱之後就出發去老人院探訪婆婆喇 ~
原定 3 點 今次遲咗小小 3 點 10 分先到 我地主要探訪對象係婆婆 不過婆婆就啱啱病完 所以無咁多嘢講住 而個女就好多嘢講喇 咁啱個女喺我果邊 我就負責同個女傾計 咁可以了解婆婆咩情況 而其餘 3 個義工就同婆婆傾計 差唔多完結嘅時候 組長就將話題集中喺婆婆身上喇 ~
原定 30 分鐘 最後用咗 45 分鐘 所以下次要好好再運用 d 時間喇 最搞笑係我地去到探婆婆 都無介紹到自己就開始傾計 最後係個女問我地叫咩名 我地先記得介紹番自己咋 好在尋日約婆婆嘅時候 我都講咗自己係咩教會同咩名 唔係以為我地白撞呀 哈哈 ~
探完婆婆就要再番教會寫事後檢討喇 今次探訪過程非常之順利 婆婆同阿女又好依靠主讚美主 真係好感恩 起碼唔會抗拒 ~
最搞笑我負責寫報告嘛 牧師話我地咁開心 以為我地玩遊戲呀 咁之後牧師又望住我好耐 我以為佢想搵我 所以問佢做咩 佢話見我笑得好開心 比我吸引住 嘩哈哈 話好難想像係寫緊探訪檢討報告 寫得咁開心喎 為我地感恩 事奉工作做得咁開心 係呀 我都覺得真係好開心好開心 好感謝神嘅帶領 ~
搞掂哂都 5 點 lu 行黎行去好熱嘛 所以塊臉實會紅卜卜 去到屋企大堂 管理員又話我皮膚好好 白裡透紅喎 又問我用咩護膚 我話塊臉肥嘟嘟 睇落咪滑囉 嘩哈哈哈 ~
今晚約咗 Ivy & Jack 兩公婆打邊爐 所以我番到屋企一陣先 一入屋見到里奧大人熨衫 又開機洗衫 算佢啦 肯自動自覺做嘢 ~
5 點 45 分又要落樓去稻香 lu 因為約咗 6 點嘛 食下傾下 8 點幾走 但阿 jack部電腦用唔到 所以一齊上佢地屋企 里奧大人同 Jack 整電腦 我就同 Ivy 傾計 差唔多 10 點 里奧大人終於整好哂部電腦呀 實在太感恩喇 ~
番到屋企即沖涼 之後真係休息喇 睇下電視 11 點瞓添喇 ~
沒有留言:
發佈留言