客家好棧 @ 九龍灣 ( 15-JAN-2015 )

自家醬老薑米鴨

客家小炒皇 - 呢個好味呀

紅燒金勾豆腐

客鄉情炒飯 - 材料有梅菜同菜甫   所以呢個飯好重口味

滋潤杏仁茶 - 好似燉蛋咁

( 15-JAN-2015  THU )
今朝見到有陽光   再加上凍凍地   我就最鍾意呢 d 天氣   唔駛太熱又唔會話好凍咁 ~

我次次食早餐都會睇報紙   今朝睇到好入神   其實 feel 到好似有人輕輕篤我   不過無理   仍然繼續睇   之後佢再大力 d 篤我   原來係 8 卦   好在有位   唔駛好迫咁坐   哈 ~

菇場唔忙啦   但有 d 眼瞓   唔知係咪今朝飲咗茶走呢   因為平時飲奶茶唔會咁架喎 ~

終於等到 lunch time   食完 lunch box 就出去行陣 lu ~

丫   估唔到有 d 熱   曬住有 d 攰   所以之後個人仲眼瞓   嘩哈哈哈哈 ~

放工即走   約咗媽咪同家姐去客家好棧   媽咪又去街市買鷹鯧魚同撻沙魚   因為家姐話好鍾意食   又順便買埋車厘子   再煲埋魚湯比我地   所以我地又一袋二袋番屋企 ~           

家姐 6 點 45 分黎到   咁可以一齊食喇   家姐無咩胃口咁   原來佢 3 點幾食咗個雞批   唔怪得啦   同埋佢不嬲又對中菜無咩興趣   如果食壽司   佢話唔餓都可以食好多架 ~ 

里奧大人  7  點 15 分放工   咁佢話 join 埋我地   咁又好喎   因為好多都食剩好多   哈哈 ~

媽咪 8 點幾走先   家姐陪佢搭車   之後再番黎坐多陣就走 lu ~

番到屋企抖陣就同里奧大人一齊去徑步   今晚有 d 攰   所以徑 20 分鐘算喇 ~

今晚徑完步都有 d 汗   諗住無咁凍   不過沖完涼   坐得睇電視就會覺得好凍   可能唔郁啦   哈哈 ~
睇埋 "來生不做香港人" 點播先瞓   里奧大人話結局好慘架喎   叫我唔好臨瞓前睇   驚我喊   不過我話想睇囉   umm   真係喊咗   真係好感人   呢排睇 d 戲都比較感人   所以幾晚都喊   哈哈 ~

12 點幾先瞓呀   聽朝無精神就真係喊喇   哈哈 ~