譯仔 ( 三哥 ) 雲南米線 @ 九龍灣 ( 6-JAN-2015 )

10 小辣係最微辣   初初唔知   以為 10 係最勁添呀   因為多數越大 number 係越辣家嘛   以前多數食小辣或者中辣   依家好錫身架   唔會咁刺激   但就一定唔會係清湯囉    

( 6-JAN-2015  TUE )

嘩   今朝濕度係 99% 呀   勁勁勁回南天嘅感覺囉 ~

出街有 d 熱添呀   所以着冷外套算喇   但聽日又話會急凍   oh ~

無啦啦想食熱嘢   咁食腿蛋治喇 ~

菇場仍然忙   時間過得勁快呀   今日有嘢忙就最好啦   因為舊老闆喺隔離房傾嘢   唔方便上網   哈哈 ~

今日有 lunch box   食完都 1 點幾   所以落去行一個圈   條街勁熱又無風   再行多陣應該會出汗架喇 ~

忙呀忙   搞掂哂 d urgent 嘢   之後又要執手尾   有排執 ~

5 點左右收到 Ivy whatsapp 問我今晚食咩 ?!   我以為自己睇錯   因為之前參加咗教會嘅關顧服務探訪訓練   我都記得係星期二要上堂   但唔記得係今個星期二   以為係下個星期二囉   真係好在星期日番崇拜見到 Ivy   叫佢 whatsapp 提我咋 ~

放工都走 lu   去惠康買嘢   有哂目標買嘢   所以好快買完   點知條數唔啱   好在我之前自己計咗咋   因為我要用 coupon   差幾蚊嘢先到 $50   咁我買 $15/3 條嘅 Twix   因為特價嘛   咁張單 show 咗 $6.9/條 x 3   真係好在睇下咋   唔係比多咗錢唔抵囉   好耐之前呀   又係買唔知咩   嘟咗原價呀   比多十幾蚊   心都痛呀   因為係諗住特價先買家嘛   自此之後   我會 check 單囉 ~

番到屋企都 6 點半   約咗 Ivy 7 點等   所以抖陣就出門口 lu ~

我最後決定去譚仔食米線   最緊要夠快囉   因為 7 點 45 分開始上堂喇   一坐低   Ivy 話我點解會記錯下星期二架   話上星期日都同我講咗下星期二   咪即係今日囉   真係傻下傻下咁   嘩哈哈 ~   

差唔多 9 點就完畢   好開心同 Ivy 編埋 Ivy 同另一個教友一組呀   唔需要 warm up 嘛   因為一攰呢   個人唔想講嘢   驚 d 人以為我好 cool 呀   哈 ~

咁我地第一次做探訪都有 d 驚   大家都未做過嘛   咁有 d 組員有導師   我地又無喎   咁 Ivy 再問另一個教會同工啦   我聽到佢話 "李志基"   我仲諗緊邊個   之後 Ivy 話係 "妳自己" 呀   哈哈 ~

里奧大人啱啱喺九龍灣   想黎接我   不過我地仲有嘢搞   所以叫佢番屋企食嘢先 ~

9 點半番到屋企   之後收到 Ivy whatsapp 話我地有導師喇   好感恩呀   因為有人帶領係好 d 嘛   可以向佢學習 ~   

傾咗陣就沖涼 lu   抖陣又睇 "上班族楚漢誌"   真係好鍾意睇囉   所以又差唔多 12 點先瞓呀 ~