Babymama: 大潭水塘 + Outback Steakhouse @ 銅鑼灣 (PART 1/2) ( 1-JAN-2015 )

2015年1月1日星期四

大潭水塘 + Outback Steakhouse @ 銅鑼灣 (PART 1/2) ( 1-JAN-2015 )

( 1-JAN-2015 THU )

新嘅一年又開始 lu 最緊要最緊要就係身體健康世界和平呢 ~

今朝 6 點幾有個鬼佬打嚟其實之前間唔中都打嚟㗎咁 10 點又再打嚟頭先已經話打錯啦佢又係咁講 Hello Hello 之後講一輪嘢又收線但佢又唔係講英文咁即係可能佢係唔識聽英文真係要 Block 咗佢先 ~

今日好好天呀終於可以去行山喇咁 10 點起身食完早餐就去買麵包之後番屋企沖涼就出發喇 ~

搭地鐵去鰂魚涌差唔多 12 點半就到今日有啲熱呀但點都要着厚褸囉因為一收太陽就好凍㗎喇 ~

平時家姐陪我睇完中醫就會去巴士站等車咁再行上啲就係柏架山道自然徑所以我叫家姐 Lunch Time 可以去行下山哈哈哈哈

好熱呀所以將件褸 "質" 入去背囊度喇咁樣方便啲嘛唔駛拎住件褸但個背囊就變咗好重囉 ~

到喇

開始力的表現

經過會見到有間廟

估唔到都幾多人行山喎仲有好多工人姐姐添呀原來再行上啲係有個燒烤場大部份都係姐姐好似開 P 咁勁開心啦唔好講笑上到個燒烤場都起碼行半個鐘以上仲要係斜路拎埋食物更辛苦啦頭先都覺得奇怪見到有人拎盒雞湯我心諗野餐點解會帶盒雞湯呢哈哈 ~

開頭呢一段係斜路又熱所以行得都幾辛苦

因為開頭嗰段路係要上斜好在行咗無耐見到有個伯伯賣行山杖咁我都買喇因為之前想買好耐但又驚買嚟無用但今次點都要買喇用佢借力嘛可以行快好多㗎里奧大人都話我行快咗哈哈同埋話我同以前係判若兩人呢點我都承認㗎以前除咗 Shopping 我多數唔願行行幾行又攰又依樣嗰樣依家就鍾意行路囉 ~

中心個名都好長下噃

仲係望到高樓大廈所以仲有排行

次次見到指示牌就好開心感覺好似就快到咁

指示牌下面係有條樓梯落去㗎呢個角度睇呢嗰 2 個人好似 Kiss 咁哈哈

藍色衫呢個小朋友係咁一路行一路話 I want outside BBQ 真係講咗 10 次都有呀搞笑

跟住指示牌應該唔會行錯路啩

超熱呀 Feel 到個肚腩都流緊汗

沿途有廁所最緊要係呢樣啦

佢拎住盒蛋糕行上去仲着毛毛 Boot 我睇見都熱呀

三隻腳真係行得快啲哈哈

有個亭仔可以坐得抖下

高樓大廈開始變細

撞哂衫

仲未到

繼續行呀行

我哋係去大潭篤水塘

好曬呀塊臉完全係汗咩防曬都甩哂 lu

綠色嗰塊葉係咪等枯謝呀定佢生命力好強點都唔謝呢

用咗半生嘅氣力終於行到呢度其實唔知係邊度只知道已經差唔多到山頂即係好快見到水塘 ~

里奧大人單腳搭住嚿石影相勁驚佢跌落去呀之後叫佢唔好咁啦佢就會話我咩都驚驚驚咁人哋真係驚吖嘛

遠離繁囂嘅感覺真好呢

孖葉

亭呀不過唔坐 lu

呢個妹妹行得好輕鬆

里奧大人話好似隻象呀

以為掛咗條底底呀哈哈

爆哂

差唔多 1 點 45 分去到個亭終於可以抖下喇順便食埋個包其實我唔餓但食完之後又覺得精神咗咁食埋第 2 個喇一陣仲要行 2 個鐘咁可以消化埋佢呢咁我見到隔離 Pair 男女食雪梨我同里奧大人講下次帶 3 支水 + 2 個雪梨里奧大人聽到喺到笑我仲以為佢話我為食添原來佢話拎咁多嘢好重呀哈哈 ~

平身

我食雞尾包 + 甜餐包

里奧大人就食雞尾包 + 麥包今次帶咗 1 支佳得樂同 1 支參蜜因為無諗過咁熱如果唔係會帶支大水囉好在最後都夠飲唔係脫水就慘 lu

里奧大人揹背囊位置濕哂背脊就更加唔駛講啦我着中袖都成身汗呀

食完之後諗住抖多陣但無啦啦都幾大風覺得好凍添呀係凍到震嗰隻喎所以都唔抖喇

我唔敢行呢啲樓梯因為覺得好窄同埋無扶手好危險

好喇去埋廁所又繼續行喇 ~

天梯記得無線做過天梯套劇集結局都好感人 維基百科咁講 --> 劇情改編一個真人真事嘅「愛情天梯」事蹟。1950年代，20歲重慶採藥戶劉國江愛上30歲大嘅寡婦徐朝清。為避開世俗閒言，佢哋搬去深山老林住。男方為女方出行安全，嚮懸崖峭壁上鑿石梯通山外，而家留低 6千級山梯，俾人封號「愛情天梯」。"

600 級樓梯都難行啦仲要 6,000 級同埋用人手鑿唔會級級一樣咁更加難行呢