大潭水塘 + Outback Steakhouse @ 銅鑼灣 (PART 2/2) ( 1-JAN-2015 )

( 1-JAN-2015  THU ) - PART 2/2

繼續行呀行   好在對腳唔係話好攰咋 ~

行過去影喇

我同里奧大人講話有啲驚   我真係好怕水囉

幾咁大風呀   飛起哂啲頭髮

另一邊係咁嘅

釣魚

都有唔少人帶狗仔散步

條樓梯好似好長咁   所以我唔會行

擰番轉頭影

好多狗呀

我好鍾意鬆獅   因為佢肥嘟嘟   個樣又得意

仲以為個個指示牌係一樣添

行到呢度有啲寒意

其實當時唔知影咗咩㗎   因為個 Screen 係反哂光   完全睇唔到啲咩

我好鍾意呢張   水點化開之後   條魚好似係圓圈入面游緊

原來有咁多魚

右下角條黃色魚好搶眼

可以慢慢行喇

大潭大潭大潭   總之跟住人多嘅地方行就得㗎喇

呢個鬼妹仔唔願行呀   梗係啦   上斜喎   哈哈   佢發哂脾氣話 I Hate I Hate   終於佢咃都打道回府

好多鷹呀

對後腳好似飛起咁   好得意

最驚呢啲樹

月亮呀

再行呀行

好舒服

都幾多人噃

又見到呢隻鬆獅

上次睇韓劇見到呢啲植物   但唔知係咩來   哈哈

又飛機又鷹   呢張好難影㗎   因為太陽好猛烈   完全唔知當時影咩   仲要 Zoom 到都唔知邊度   哈哈

見到架小巴   即係代表行完喇

細細個月亮

唔忿氣   係都要影到月亮為止   哈哈

勁開心呀   因為終於行完

行下抖下又影下   仲諗住 5 點半先行完   估唔到 4 點半都行完 lu ~

諗住搭 14 號巴士   但等咗 2 架車都係 Full 哂   因為我哋係中途站   咁聽後面位叔叔話呢度有架 16X 小巴   但實上唔到   因為啲人會湧哂上去小巴   咁啱我望到對面有架空嘅 16X 小巴 U 過嚟巴士站   停正喺我哋前面呀   所以我哋可以上到車   好感恩呀   因為唔知要等幾多架巴士先到我哋嘛 ~

5 點到柴灣地鐵站   咁我話去銅鑼灣 Outback   里奧大人勁開心囉   話尋晚食唔到   今晚食番   哈哈 ~

又唔餓   所以去 GAP 睇嘢   因為買特價衫牌 3 件以上有 6 折   咁就好抵囉   因為佢啲質地真係好舒服   好開心買咗 2 件衫比自己   我就買咗頂冷帽比媽咪   里奧大人就買咗 3 條褲   折咗 $620 左右   如果正價買 1 條褲要 $499   依家 $198 再 6 折   所以叫里奧大人搵啱 Size 就好買喇   因為 Normal Size 好快比人揀哂呢 ~

6 點半喇   即飛去 Outback   去到 Full 哂   得番門口一張枱同 Bar 枱   咁當然要門口嗰張啦   因為想擺嘢呀 ~

蜜糖黑麥包配香軟牛油   我一向唔鍾意食麵包   但呢個包真係好好好好食   次次食都會咁講呢

肉醬味肋骨雞搥拚盆 - 我上次同里奧大人講話食呢個 Appetizer 就可以   因為份量都好巨

芝士薯條加埋煙肉   所以好漏   哈哈

呢兩款醬汁又係好漏

雲呢拿雪糕朱古力軟餅

唔食 Cream 都覺得好漏   真係食到驚咗   如果想再食   一定要叫埋家姐   否則唔會再叫嚟食

食完去旅行社睇資料   之後搭 619 番屋企 lu ~

番到屋企即沖涼喇   之後即做按摩呀   因為對腳斷咁滯囉   而里奧大人都話要做按摩   平時佢唔駛㗎   佢今日都應該真係幾辛苦   哈哈 ~

11 點幾瞓喇   今日出咗一身汗好攰呀 ~