我的餐廳 @ 九龍灣 ( 18-JAN-2015 )

京都豬扒 - 唔酸又唔甜   我整得好味 d   哈

XO 醬爆西芹花枝片

蓮藕湯

雪耳糖水 - 原來食小菜送嘅   上次都無嘅   咁里奧大人話驚甜   所以唔食   阿姐係都叫佢食啦   之後阿姐仲比杯熱水我地   話如果甜就加 d 水   阿姐勁好人呀

( 18-JAN-2015  SUN )

今朝要番主日學同做司事   所以 8 點半都起身 lu   沖埋涼就落去食早餐   之後番屋企抖陣就番主日學 lu ~

邊有咁多肉碎   3 碗加埋都無咁多

我知道圖片只供參考   但都唔好咁過份囉

番到 11 點 10 分就要走喇   因為做司事要 11 點 15 分到會堂   其實受浸之後都做過司事   不過之後無做   依家做番呢   感覺又唔同一樣   好緊張   因為人數比之前多一倍有多   計錯人數就煩架喇 ~

崇拜完畢就番屋企拎番部電腦去高登整   因為個 8 字 key 有時打到有時打唔到   所以拎去換   不過唔知換唔換到囉   不過反正我要去買紅米 Note   所以就拎埋去囉 ~

去到試機   一開機無啦啦要 update   等咗 10 分鐘仲 update 緊   所以出去行下   咁啱見到紅米 Note 舖頭   咁買埋先再上去 lu   之後再 check 個 8 字又打到喎   咁無得換 lu ~



搞掂哂都 3 點   咁我話想食海南雞飯   好感恩有卡位   我地 2 點 58 分叫完   但原來 3 點係下午茶   蝕哂喇   哈 ~

泰式海南雞飯

喇沙魚蛋雞絲金邊粉 - 估唔到真係辣辣地   因為 menu 有隻紅辣椒   但無諗過會咁辣

食完就去鴨寮街 trade 電話同買電話套   之後就搭地鐵番屋企 lu ~

番到屋企再試部電腦   又試打 8 字   好在今次打到   里奧大人話頭先個店員好大力打個 8 字   可能打鬆咗   哈   點都好啦   最緊要打到啫 ~

其實好眼瞓   但又唔想瞓   所以熨 2 機衫   熨完都 6 點半   出去食飯 lu ~     

入到餐廳好焗   咁問里奧大人 o 唔 ok   佢話 ok   咁坐得啦   錯落又無咁焗咁   但之後又開始焗喎   同埋里奧大人係咁 "包雲吞"   驚佢焗親   不過佢話今朝崇拜隔離個阿伯係咁咳同打乞痴   雖然有帶口罩   但我話我都唔會坐佢隔離囉   因為我今日做司事無同里奧大人坐嘛   咁我都問佢點解坐喺帶口罩嘅人隔離架   我真係會盡量唔坐架   佢話本身坐佢隔離果個係後生仔   咁崇拜差唔多開始   個後生仔叫咗阿伯坐佢個位   個後生仔就走咗   哈  咁無法啦   走都走唔到咯 ~

行番山路番屋企   不過我好飽   所以叫里奧大人番屋企先   我就行 3 個圈先番屋企喇 ~

沖埋涼都係 8 點幾   實在太好喇   好似好多時間用咁 ~  

食埋生果就抖喇   里奧大人真係似唔舒服咁呀   係咁包雲吞   包咗 2 卷廁紙呀   所以佢 10 點幾就瞓喇   我就 11 點幾先瞓 ~