行行行。澳門 Day 1 (Part 3/3) ( 3-APR-2015 )

( 3-APR-2015 )  Part 3/3

行完大三巴又周圍行周圍影喇   都 5 點半 lu   好感恩無落雨呢 ~

紅色   夠哂搶眼

嘩

呢揀樓樓下有間舖頭買零食   但真係好難會令人留意到囉

好似好多地方去咁   哈哈

見到有檔買碳烤胡椒餅   又買過黎試下   對上一次食係幾年前去台北   同里奧大人買咗 4 個食   因為要排隊嘛   所以先買 4 個   但其實食一個已經非常之飽   最慘唔好食嘛   之後我再食多半個就掉咗   自此就驚咗胡椒餅   今次再食   仍然係唔好食   唉 ~



啱啱出爐

加 5 蚊有杯仙草   呵呵   同人撞衫添   如果我知道咁   我會行開 d 架   但美食當前   我眼中只有食物呢

yeah   一樣係唔好食   第時唔駛再心思思食胡椒餅 lu

朱仔呀

好多對腳   哈哈   同埋佢係屙緊香香

里奧大人話之前阿婆坐喺櫈度呢   隻狗仔係痴實阿婆架   好得意

本來諗住買咖哩魚蛋架   不過太多人   又亂   所以放棄

                            

澳門真係好多教堂

好多人望彌撒

再行去唔知邊啦

金色嘅 building 嘅外型好靚好特別

澳門都幾多上落斜

矮得得郵筒

睇見佢真係心都痛埋   呢日好熱架   仲要咁着   真係焗暈囉

umm   行到 6 點半   係時間食晚餐   因為其實好熱   哈哈   餓就唔太餓   但想搵地方抖下囉 ~

最鍾意呢 d 古裝街   哈哈

" 翅客 " 個名好得意



天黑黑喇   係時候要食正餐   哈

鉅記無處不在

買完肥仔記花生糖   先知道天書有介紹   因為我同里奧大人講   如果係檔口仔同埋多人買嘅話   咁就幫襯佢地囉   hand made 點都好食 d 啦

好在有人舉牌   唔係就唔會食呢間囉

我想食咖哩牛筋腩包

得 1 枱人食嘢咋   當時想走   不過里奧大人話入咗去   就唔好走啦   又懶得再搵食   咁算啦   之後都有好多人黎食   有 d 原來仲係訂咗枱添   可能我地去嘅時候   未係開飯時間   所以無咩人呢



熱呀   所以每人一杯凍鹹檸七喜   MOP22/杯

個包大個隻杯

招牌脆香牛筋腩包 ( MOP88)   個包好脆   同埋佢地好細心   加額外比多一碗仔咖哩醬

個包同我塊臉 size 一樣 ( 應該 )

烏魚子醬撈麵 ( MOP32 )



佢 whatsapp 比家姐   因為知家姐為食   哈哈
  

抖到 7 點 45 分又周圍行喇要   因為我好飽   要做下運動 ~

晏晝喺 OK 便利店見到維他嘅橙味朱古力奶   所以勁想飲   但食完飯周圍行都搵唔到 ok 同 7 仔   我直頭要去超市搵添呀   間超市係喺巷仔同要上樓梯   應該係本地人去嘅多   所以里奧大人話我真係好想飲   好小見我咁死心不息咁搵   同埋咁暗嘅巷仔都要行   哈哈   不過又係無得買囉   咁里奧大人知我好想好想飲   所以陪我行番去大三巴附近 d 舖頭   睇下有無得買   不過最後都無得買囉   咁唯有等聽日啦   哈哈 ~

順便行下影下

又黎番呢度   我覺得夜晚靚好多   同埋無咁熱   哈哈

傳福音

唱緊一首我地好鍾意嘅詩歌

呢個賭場   真係望咗幾十次喇   哈哈



又撞衫   我相信里奧大人應該一路影一路笑

地下好靚

哪咤廟斜巷   唔知係咪即係哪咤廟呢 ?!   不過太攰   所以唔去睇喇

鉅記鉅記鉅記

坐喺度食飯 @@

年紀大眼花花   睇到 " 糙米卷 "   奇怪個名咁得意添   哈哈

澳門 d 巴士好奇怪   同一架巴士同一方向   但居然會有 2 個目的地   所以我地最後都係搭的士番酒店   MOP 33 都唔算貴   同埋澳門其實係好細囉 ~

終於搵到巴士站番酒店   但好多人等   驚未必上到車   所以最後打的算喇

d building 好靚下喎

8 點半到酒店   點知攞房搞咗好耐   d 嘢簽完又簽   依樣果樣   又問有無 deposit 收據定咩   大佬   無 deposit 點會比我 攞房喎   同埋今日已經搞掂哂入住嘅文件   room number 都有   只不過我地唔上房   所以無房匙之嘛   之後仲問我地邊個 staff 幫我地 check in   咁妳自己睇電腦記錄都得啦   唉 ~

上到房已經 9 點   第一時間沖涼喇   今晚我要浸浴呀   呢期勁攰   浸完舒服好多呢 ~

上房喇



條走廊都幾深



住 5 樓



細細間房   但就真係超級乾淨   very good

一路浸浴一路睇電視

細細間房都有 3 個衣柜

浴室好乾淨

好鍾意個浴缸   不過一企身就好跣囉   嚇死

L'OCCITANE   正呀

依家好老餅喇   鍾意睇畫

                        

今日買咗嘅手信   聽日就慘喇   要 hand carry   但我無理由聽日又走番去氹仔買家嘛   重就重啦   媽咪話鳳凰卷有 d 林   真係好彩買一盒咋

豬油糕 - 媽咪食咗之後話甜   唔似以前咁好食喎   咁為有我食啦   激鬼死我   不過好在都煙煙韌韌   但其實就咁聽過名都好得人驚囉   所以次次食完都覺得膽固醇嚴重超標   哈哈

香蕉糕 - 好似 MOP10   幾好味喎

椰絲花生糖 - 好似 MOP35   呢個都好味

紐結糖 -  MOP35   天書話有師傅嘜頭先係正貨

車厘哥夫嘅紐結糖 & 杏仁咖啡紐結糖 - 好似 MOP35/包   原來家姐係買開紫色呢間車厘哥夫   佢話兩間都好味   我都覺得 ok 呀

差唔多 12 點瞓喇   今日出咗勁多汗   好攰呀 ~

呢日行程完畢