Part 1/3 城門水塘 + 雲南小鍋米線 @ 荃灣 ( 25-APR-2015 )

( 25-APR-2015  SAT ) Part 1/3   

今朝 10 點起身   里奧大人話佢 9 點已經醒咗   仲沖埋涼   不過洗頭嘅時候覺得好眼瞓   所以又瞓番   離離奇奇   哈哈 ~

好喇   去食早餐   之後沖埋涼   抖陣就去荃灣喇   點知臨出門口   我喺廁所洗完手   唔小心整跌咗隻杯   點知隻杯裝滿哂水   倒到成條褲濕哂   都唔知里奧大人裝咗杯水喺度做乜   之後佢話漱口   但出門口都唔見佢入廁所   漱乜鬼口呀   麻鬼煩   又要我吹番乾條褲   因為呢條褲係最薄   唔想着其他褲   之後佢幫我熨番乾去囉   嘥哂 d 時間 ~

12 點 15 分先去搭地鐵   之後諗住坐 82 號小巴   不過排長龍   起碼要等 4 架   最慘見到 d 車唔係好密   咁打的啦   有一男一女問我地係咪去城門水塘   話 join 埋一齊   咁 ok 啦   反正 2 個人同 4 個人坐都係咁多錢   之後傾計   佢話係去做義工   介紹咗好多嘢比我地知   識咗好多嘢   哈哈   車程係 $50   之後落車   佢係都要比番一半錢我地   不過里奧大人話唔要   當支持下佢地做義工 ~

上網睇人地影個牌坊好似好大塊咁   原來係得咁細塊   哈

 

郊區火警訊號係 " 高 "




1 點 15 分去到   里奧大人無啦啦話講 d 恐怖嘢我聽   唔係見到鬼呀嘛 ?!   之後佢話覺得好餓   整佢咩   肚餓啫   駛唔駛用恐怖黎形容呀 ?!   

我見好多人行完山   都黎買雪糕食   得我地兩個係未行就已經幫襯佢   哈哈       



魚肉燒賣同咖哩魚蛋   每樣係 $9/串   魚蛋 ok 辣   燒賣就麻麻   不過 d 豉油辣椒油又 ok 喎 

去埋個廁所   差唔多 1 點半開始行   開頭行果 d 路唔係咁平坦   我係有 d 驚架   不過無理由唔行啦   我要克服重重嘅心理障礙   嘩哈哈   不過里奧大人反應係 " 都唔知妳驚乜 ?!?! "   仲要話城門水塘嘅難度只係 2 粒星 ( 5 粒星係最難 )   車   驚咪驚囉   唔得咩 ~~~~

行上去喇

                 

好多好易行嘅樓梯   



我驚馬騮嘛   所以唔敢揹個背囊   我個背囊又有黃色   一陣以為係香蕉   我就死得   不過 mimi 話用行山杖嚇佢都得喎   但我都驚啦          

諗住嘆陣冷氣   點知係無嘅   哈哈 

除咗松鼠狗   我都好鍾意 poodle 架 

裝下先

好堅挺嘅葉

引水道 

頭先隻 poodle 呀   勁想抱佢

介紹

我睇完之後都唔會記得   哈哈

好多枯葉 

之後要行呢 d 路   勁驚囉   所以里奧大人即刻拎支行山杖比我呢 

我要影相定驚   哈哈

                 

郊遊親子樂真係好好呢 

又枯葉又綠葉  

喺香港好難見到地衣呢

我係咁叫里奧大人行埋 d 行埋 d   佢幾衰呀   話係咪要貼住 d 石黎行呀

凸咗出來都幾危險 

行完呢 d 路未呀   不過咁闊就唔係好驚       

兩棵唔一樣嘅樹

最鍾意影天空   哈哈

成日頭 dup dup 行路   

好在唔駛行呢 d 路

我地唔知行邊個方向嘛   咁里奧大人問呢個男人啦   不過佢無應到里奧大人呀   之後聽佢同小朋友講嘢   好似講日文

唔知呢 d 花叫咩名呢 ?!



轉彎轉彎又轉彎

次次一用行山杖   里奧大人就會問幾次個手位啱唔啱   係都幫我校到啱為止   驚我就住用會好辛苦      

一陣落去影相先

阿里奧大人乜事呢   2 點又話食個 muffin   咁我食到半個咋   因為真係唔餓   只係口渴   今次帶咗 2 支寶礦力   下次真係要帶起碼 3 支   重就重   好過一陣唔夠飲 ~

之前同里奧大人講   話 mimi 話唔好拎膠袋出黎   所以佢話依家無馬騮   要食嘢喇 @@  

                 

行咗 1500m

呢日未完架