( 8-APR-2015 WED )
話咁快就放完 5 日假 又要番工喇 次次一放幾日假就會發夢遲到 其實我覺得係好事 即係代表我上心嘛 哈哈 ~
嘩 出面好凍呀 同尋日係兩個世界呢 ~
早餐食芝腿治 超勁飽 ~
番到菇場做埋 report 就可以 load 相寫 blog 不過之後都係有嘢做 今事唔同往日架喇 ~
食埋 lunch box 就去一田 8 卦又話去 我買咗零食比 Ivy 再買 pack 王林蘋果比媽咪就走人 lu ~
整下依樣整下果樣又放工 今晚直接番屋企 放低袋就即浸菜 6 點 45 分煮嘢 今晚自己食先 所以早煮早食就最好呢 ~
食完抖陣 8 點左右就拎零食比 Ivy 本來諗住叫佢喺佢屋企樓下交收 不過咁啱去到佢屋企樓下 有人出大堂 看更又行開咗 咁我直接上去佢屋企比佢啦 佢都好驚訝我點上到黎 哈哈 ~
里奧大人 8 點半放工 咁我就由得寶上斜去番公園徑步 行多 3 個圈就番屋企沖涼 咁就可以陪到里奧大人喇 ~
是日懶餐 - 洋蔥肉絲炒油麵 + 蠔油菜心
洋蔥肉絲炒油麵 - 估唔到加埋洋蔥又幾夾喎 因為里奧大人唔鍾意食韭菜 但我又鍾意加 d 蔬菜去炒 口感爽爽好味 d 架 ~
蠔油菜心 - $8 有 2斤 超抵 同埋估唔到好有菜味 實在太好喇 哈哈 ~
搞掂哂就抖喇 之後家姐打黎 話 B 頭一見佢就抓門 家姐好緊張同姑娘講 話見到佢好開心定啦 係咁抓門 但姑娘話佢係想走 因為今朝一開門佢就衝咗出黎 好在大門關咗咋 所以佢抓門唔係妳諗果 d ( 即係話唔係因為見到佢開心而抓門 ) 之後家姐抱 B 頭 衰仔撐手撐腳唔比家姐抱 仲撐到扯蝦 嚇到家姐好驚 問姑娘咩事 姑娘話家姐緊張 所以隻狗都緊張埋 但係工人抱佢 佢就放軟哂手腳伏落工人身上 哈哈 勁樣衰 之前麥包又係咁對家姐 喺診所見到家姐就擰埋臉架 成個人仔咁 但姑娘叫佢名呢 佢就係 fing 尾 家姐真係無敵勁樣衰呀 ~
里奧大人喉嚨唔舒服 真係好在屋企有蜜糖咋 即刻叫佢飲 希望好 d 啦 ~
佢 11 點唔夠就瞓 我就 11 點幾先瞓 ~
搞掂哂就抖喇 之後家姐打黎 話 B 頭一見佢就抓門 家姐好緊張同姑娘講 話見到佢好開心定啦 係咁抓門 但姑娘話佢係想走 因為今朝一開門佢就衝咗出黎 好在大門關咗咋 所以佢抓門唔係妳諗果 d ( 即係話唔係因為見到佢開心而抓門 ) 之後家姐抱 B 頭 衰仔撐手撐腳唔比家姐抱 仲撐到扯蝦 嚇到家姐好驚 問姑娘咩事 姑娘話家姐緊張 所以隻狗都緊張埋 但係工人抱佢 佢就放軟哂手腳伏落工人身上 哈哈 勁樣衰 之前麥包又係咁對家姐 喺診所見到家姐就擰埋臉架 成個人仔咁 但姑娘叫佢名呢 佢就係 fing 尾 家姐真係無敵勁樣衰呀 ~
里奧大人喉嚨唔舒服 真係好在屋企有蜜糖咋 即刻叫佢飲 希望好 d 啦 ~
佢 11 點唔夠就瞓 我就 11 點幾先瞓 ~
沒有留言:
發佈留言