福源餐廳小廚 @ 官塘 ( 5-APR-2015 )

仲有 2 支大啤 + 1 罐忌廉

豉椒炒蜆 - 份量都好多 

茄子燜斑腩 - 我好鍾意食架   

椒鹽豬扒 - 好乾身   椒鹽味又夠   正呀

羅漢齋炒麵 - 呢個又係勁好味   因為我好鍾意食   哈 

( 5-APR-2015  SUN )

今朝 9 點半起身   沖埋涼就落去食埋早餐   再去買復活蛋朱古力比家姐   抖陣就番教會喇 ~  

奇怪嘅事發生咗   就係 4月2日星期四   我徑步完去 Taste 睇呢包朱古力幾錢   當時買 $16.9/包   家姐話唔駛買比佢   佢自己再去睇第間超市有無   之後佢去新都城間百佳買   個 promotor 話賣哂   叫佢下年早 d 買   咁啱我呢朝無啦啦睇 4月2日嘅報紙   見到 Taste 做特價 $12.9/包   咁我就即去買啦   但諗諗下就奇怪喇   我明明4月2日夜晚親身去睇   果時係 $16.9/包架喎   仲 whatsapp 咗比家姐   真係有圖有真相架喎   咁好在我當晚無買啫   唔係就蝕哂       

今日要做司事   應該要 11 點 15 分到   但我遲到   因為諗住主日崇拜會耐 d 嘛   但一去到佢地已經祈完禱 lu   唉   下次都係早 d 到好過 ~ 

崇拜差唔多 1 點 10 分先完畢   買埋 "狂野時速 7" 戲飛就番到屋企   抖陣就去舖頭   去到 2 點半   諗住叫埋 3 姑奶一齊食   不過到食完都打唔通個電話   咁我地唔等 lu   因為要上佢屋企整按摩椅 ~

3 點幾搞掂   又去番舖頭   不過里奧大人要幫手整嘢   所以搞到 5 點先走得 ~

今日可以搭 van 仔走   順便去埋 MP 買生果   番到屋企 5 點 50 分   抖多 10 分鐘又要出門口喇   因為約咗 Ivy 同 Jack 食飯   今日同里奧大人食 tea 時講起 Ivy   咁佢就話不如約佢地今晚食飯   我地好多時約定反而佢地唔得閒   所以講過要即興先成事   點知佢地今晚真係得閒出黎食   哈哈 ~

約咗 6 點 15 分一齊搭 van 仔去官塘食飯   勁方便 ~

食下傾下   8 點半走喇   又一齊搭番 van 仔番九龍灣喇 ~

個月亮好圓又好清   好小見到咁樣   不過我部手機 zoom 唔到咁遠   

頭先見到個月亮好圓   所以特登拎女朋友去晨運徑影相   不過唔係影得咁好囉 ~    

只係影到一個圓形嘅物體

咁樣無咁 "撑"眼   因為影完之後   我對眼好辛苦   哈哈

放棄   哈哈

之後幫 Ivy 去 Taste 睇零食   走嘅時候   里奧大人又問去唔去 Mrs Fields 買曲奇   佢真係次次都會問我   因為次次我都話要 9 點半買先抵   哈哈   咁原來都已經 9 點 24 分喇   咁我即排隊啦   9 點半買 3 送 3 嘛   再打比家姐問佢要 d 咩   因為聽日會見佢呢 ~

2 塊合桃 + 4塊朱古力特韌   其中 2 塊朱古力特韌係我嘅

番到屋企 9 點 45 分喇   拿拿聲沖涼洗頭   咁一陣唔駛沖涼   因為要睇 2 個幾鐘   番到屋企都夜 lu ~ 

其實今朝問咗 8 卦好唔好睇先架   佢話好睇   不過唔駛 3D   咁信佢啦   哈哈 ~

我睇戲一定要食爆谷架   咁先有 feel 嘛 ~

估唔到套戲咁刺激   睇睇下問里奧大人幾點   佢話 12 點   真係唔覺唔覺就 12 點   所以套戲真係好好睇   雖然有 d 唔合情理   不過睇戲千奇唔好 "太認真" 就得架喇   哈哈 ~

套戲 ending 好感人   我其實唔知 Paul Walker 係點嘅樣架   因為 1-6 都無睇過嘛   只知道佢係主角   同埋呢 d 戲只係講車咁囉   之後上網睇番   " 狂 1 " 由 2001 開始拍   拍到依家 " 狂 7 "   咁都起碼一齊相處 1x 年   唔怪得家姐同我講話 Vin Diesel 喊得好犀利啦   又同我講話係 Paul 細佬補拍一部份戲   唔係家姐講   我都唔知添   因為我無留意佢地 d 新聞呢 ~   

臨瞓睇呢 d 咁刺激嘅戲   加埋睇番 Paul 同 Vin Diesel 嘅點點滴滴   睇到我心 up up 添   所以差唔多 2 點先瞓得着呀 ~