唔知乜斑 好似 $468 佢地話熟得滯 所以 d 肉有 d 鞋 啱哂我 哈哈 但個豉油無味嘅
豉椒炒蜆 - 熟得滯 d 肉韌呀
椒鹽鮮魷 - 呢個超級正 個粉漿好薄 鮮魷又嫩
蠔仔餅 - 我無食呀
生炒骨 - 我無食呀
糖醋骨 ?! 我都無食 因為其實我根本都唔餓 唔想食咁多肉
椒絲腐乳通菜
啤一啤 不過我只飲雪碧
( 18-APR-2015 SAT )
今朝食飽 d 因為晏晝要 1 點幾先食嘢 呵 ~
菇場抖咗陣就忙啦 好在 1 個鐘頭就搞掂 星期六真係唔想做公司嘢 哈哈 ~
放工即走喇 坐巴士去 Mega Box 約咗里奧大人喺白木屋等呢 ~
去到都差唔多 1 點半 食埋嘢 坐多陣就去 shopping 喇 ~
什錦海鮮飯 - d 飯係珍珠米 所以我鍾意食 同埋有 d 醋味都唔錯
三文魚刺身飯 - 里奧大人話刺身好薄片囉 同埋好多飯 所以顯得刺身更加小咁 哈哈
行完十蚊店 買咗 d 嘢就走喇 里奧大人愕然問依家 d 嘢十二蚊喇 ?! 我話好耐啦 個名都改埋喇 不過佢唔鍾意行十蚊店呢 d 女人嘢 所以佢唔會理 d 價錢囉 我話有時 d 嘢係幾十蚊架 所以唔好亂買 只可以買十二蚊嘅嘢先抵呢 哈哈 ~
今日最主要係去大眾買証件套 點知佢地裝修 哈哈 咁無計啦 番淘大買囉 ~
買埋遮都 4 點 要去麥記飲咖啡喇 今日真係好邪呀 里奧大人一早已經話去埋麥記飲咖啡 點知家姐無啦啦打黎叫我飲伯爵茶咖啡 話幾好飲 記得要凍先有粒粒點子 又話一定要加忌廉 好啦 咁我去飲啦 whatsapp 比佢睇 又即問好唔好飲 勁搞笑 佢次次見有嘢食嘢飲呢 d 就第一時間問好唔好食 好唔好飲咁架 真係好為食 真係同一個種 嘩哈哈哈 ~
影到古古怪怪 哈哈
冰伯爵茶凍鮮奶咖啡 - 味道幾得意 有茶味同咖啡味 最正係有粒粒伯爵茶凍 好似食緊寒天咁
行路番屋企 都只係 15 分鐘 真係快過等 shuttle ~
之後再去買証件套 又去睇下背囊 不過唔啱心水 嗚嗚 ~
留到屋企差唔多 6 點 好攰呀 但唔知點解今日好開心 雖然只係行 Mega Box 但感覺好似好耐無去過街咁 哈 ~
呢個 $69 我同里奧大人強調我唔會買公仔証件套 點知最後買咗 B-Duck 所以佢又串串共 但其實我想講話唔鍾意太 lady 嘅公仔 特別係粉紅色 我真係唔太鍾意粉紅色 唔知點解
我鍾意迷彩 earphone 呢個 $338
Aeon 買架 因為夠輕身 里奧大人買啡色 ( $99.9 ) 咁我又要買 我把只係 $69.9
H & M 買嘅長外套 $99 抵玩呢
@ Living Plaza $12/塊 我鍾意大花同暗花 所以 2 塊都買 但 size 係唔同嘅
抖到 7 點 15 分就出發喇 今晚試下行去大排檔 我依家勁鍾意行路 里奧大人直頭話我行得快過佢添呀 因為我無袋一身輕嘛 同埋用咗徑步嘅步伐 所以咪快囉 ~
去到要等陣 今晚大姑奶請食飯 完全係無乜幾何 所以我話一定要去啦 加埋 2 姑奶一定食 但大排檔太嘈喇 傾計比較辛苦 3 姑奶差唔多 8 點幾先到 佢食完自己又要趕番去做嘢 原來都 9 點半喇 咁我地都走 lu ~
又行路番屋企 不過有 d 焗喇 所以番到屋企即開冷氣 抖陣即沖涼喇 ~
我就睇雜誌 之後叫里奧大人幫我揀相 所以搞到 12 點幾先瞓呀 哈 ~
疯狂购物,感觉良好!!
回覆刪除打令 係買到平嘢先感覺良好咋 ~~~~
刪除