今朝 9 點幾醒咗 即開機洗衫 瞓到 11 點起身 之後沖涼喇 因為約咗媽咪飲茶嘛 但里奧大人仲瞓緊 咁我 12 點叫醒佢 佢都想起身飲茶 不過我見佢好小瞓咁耐都無話餓醒 所以我叫佢繼續瞓 我飲完再陪佢食嘢呢 ~
去到酒樓都係 12 點 估唔到姐夫都黎埋 咁 4 個人食嘢都好 同埋我又唔餓 唔知係咪尋晚食包大爆谷食滯咗呢 ~
家姐飲到 1 點幾就走喇 我就陪媽咪坐多陣 咁拎咗手信比媽咪 幫佢拎埋番屋企就走喇 里奧大人餓喇 因為已經 2 點半 ~
不過我去埋街市買餸先 join 里奧大人 佢話飲麥當勞咖啡 咁好呀 想快 d 用哂 d coupon 呀 ~
一坐低有人叫里奧大人 原來係佢舊同事 咁一齊坐啦 本來我諗住走先 不過我費事一話走 佢地又走 好似趕人走咁 咁唯有坐下囉 佢地一傾就傾兩個鐘 差唔多 5 點先走呀 番屋企即煲竹蔗茅根馬蹄水 之後開機洗衫 浸菜 抖陣就煮飯 lu ~
因為想徑步 所以早 d 煮 7 點半有得食 ~
是日晚餐 - 燒汁煎鯖魚柳 + 鹹蛋莧菜 + 竹蔗茅根馬蹄水
燒汁煎鯖魚柳 - 太耐無煎魚 唔記得落生粉 成塊皮痴住個鑊 嘥哂 勁想食脆卜卜嘅皮嘛 嗚嗚 ~
鹹蛋莧菜 - 屋企只有鹹蛋 一於食埋佢 唔係又壞架喇 ~
竹蔗茅根馬蹄水 - 頭先同媽咪飲茶講開竹蔗茅根 所以就煲比里奧大人飲 佢成日話熱氣嘛 好耐無煲呢 d 嘢 又批皮又劈蔗 勁攰 ~
搞掂哂 9 點先徑步 其實我想徑與唔徑之間 因為有 d 攰 不過諗諗下都係徑啦 難得無落雨嘛 但我徑 15 分鐘就番屋企先 沖埋涼 里奧大人就番黎喇 ~
隻街貓好得意架 唔驚人
今晚要 relax 所以睇戲食薯片 不過依家真係食小咗薯片 最多食 1x 塊就夠 以前閒閒地食一包架 所以食到咁身型 哈哈 ~
又 12 點幾瞓 放縱埋今晚 聽晚要早 d 瞓架喇 ~
last 2 photos好靓阿~~个女主角好温柔-从来没有见过-对动物还温柔过对老公的人!!娃哈哈哈
回覆刪除所以呢 我見妳一鑊就打一鑊 嘩哈哈哈 ~~~~~
刪除