蒸鷹鯧魚 / 撻沙 + 蠔油菜心 + 齋滷味 ( 外賣 ) + 清補涼鱷魚肉湯 ( 10-APR-2015 )

( 10-APR-2015  FRI )

好嘢   仲係凍凍地   之前仲諗住收好 d 冬天衫添   好在無收到咋   唔係又要拎黎拎去   今次真係懶得有價值喇   哈 ~

早餐食奶醬多   其實唔想食澱粉質   但我又唔想朝早食麥皮呢 d   好寡啫 ~

Load 相寫 blog 又 skype   諗住全日係咁啦   勁開心   點知 12 點無啦啦忙添 ~

出去食粥   難得天氣仲凍凍地嘛   食完行陣就番菇場 lu ~

做呀做   做到 4 點幾就搞掂   可以抖下 ~

放工去街市果頭換探熱針電池   不過佢幫我換粒電池之後   探熱針唔着   佢話係底板壞咗   但之後佢幫我入番舊果粒電池   支探熱針又用到喎   其實係咪佢粒電池有問題呀 ~~~~

番到屋企都 6 點 15 分喇   要即浸菜   因為我想睇 "導火新聞線呀" ~ 

7 點煮好   邊睇邊食   但王子死咗好慘啦   喊到我食唔到嘢   無哂 mood ~

洗埋碗都 8 點 10 分   里奧大人打黎話放工   不過我都照去徑步   落到樓下   看更話落毛毛雨   丫   咁轉行商場囉   估唔到行下行下都行咗半個鐘   之後里奧大人打黎話已經喺九龍灣   咁我要飛番屋企煮麵比佢食喇 ~

沖埋涼   9 點坐定定再睇 "導火新聞線"   睇到王子死又再喊多次 oh ~

是日懶餐 - 蒸鷹鯧魚 / 撻沙 + 蠔油菜心 + 齋滷味 ( 外賣 ) + 清補涼鱷魚肉湯

蒸鷹鯧魚 / 撻沙 - 媽咪尋晚買架   佢話買 1 條鯧魚 + 2 條撻沙要 $300   我覺得好貴呀   都唔明點解要咁貴   可能新鮮啦 ~     

蠔油菜心 - 上次食剩 1 斤   今晚食埋佢喇 ~  

齋滷味 ( 外賣 ) - 勁想食就買啦   依家又加到 $21   對上一次買唔知係 $14 定 $18 咋   同埋係凍嘅   即係喺雪柜拎出黎咁   之前唔係咁架喎   但今晚飲湯食菜都飽   要留番聽日先食   之得唔買啦   哈 ~    

清補涼鱷魚肉湯 - 媽咪煲架   其實我鍾意飲清 d 嘅湯   不過是但啦   煲埋比妳唔好咁多要求咯 ~

睇完電視即洗碗喇   之後就休息   但睇番點播   睇到 12 點先瞓呀 ~