行行行。澳門 Day 2 (Part 3/3) ( 4-APR-2015 )

( 4-APR-2015 )  Part 3/3

4 點又再行   去咗個有錢人住宅   之後澳門政府買咗   比人遊覽   咁咪好囉   有 d 嘢真係要好好保育家嘛 ~~~~

搵到喇



我地叫 " 攞你老命路 "   哈哈



之後行前小小又見到塔石街   頭都暈

盧廉若公園   曾是澳門華人富商盧廉若及其父的私人花園, 後於 1973 年被澳葡政府收購, 並開放給公大眾使用

入口

d 字體好得意



向出面影   栱門上面 d 字係唔同

好靚

呢棵植物都好有歷史

偷影失敗

反影   哈哈

里奧大人影 d 咩呢 ?!

行入 d 就有個亭

                      

沿途好多洞   好特別

好多竹

刻咗 d 字   勁

好似心型咁

石櫈   真係好正   我覺得好似 Transformer d 腳   會行黎行去咁   哈哈

                        

好似獅子



好多龜

好多魚

行入去睇睇先

前一袋後一袋   佢點都唔比我拎   所以我頭先喺教堂坐低抖抖嘅時候   襯佢拎頭巾出來   我就將所有手信擺入我背囊   等佢唔駛拎咁重   最勁係佢揹咁耐都唔知   咁我喺等船期間   我叫佢拎下個斜揹袋丫   佢好驚訝話點解輕咗咁多   之後佢當堂覺得我好慘   拎住咁重袋周圍走   哈哈

參觀完畢

4 點行完公園   又再繼續周圍行周圍影 ~

我越讀越漏口   哈哈

想去望德聖母堂

之後諗住去聖安多尼教堂   原來之前已經去過   所以唔去喇   再周圍行

個街名好陰森咁



                 

呢期我鍾意影馬路   之後對面有個人叫我睇車   我完全都唔知有車駛入黎添   哈哈

對頭車    我初初以為 d 車係可以直去呢

影下相又走喇   比我見到 7 仔   即飛入去睇有無橙味朱古力奶   好感恩有呀   買咗 2 盒   因為 1 盒要 MOP8.5   2 盒只係 MOP11   哈哈 ~

飲第 1 啖有 d 似積及朱古力橙餅味道   但飲飲下又無咩味咁   之後要飲第 2 盒喇  因為唔想曬住嘛   飲頭半盒都 ok   但飲到後尾有 d 想嘔   嘩哈哈哈哈哈 ~

4 點 45 分到消防博物館喇   5 點都行完 lu   咁我要去洗手間嘛   個洗手間好細   咁我個背囊又脹卜卜   一轉身洗手果陣   個吹風機勁響   嚇鬼死我呀   因為我無留意有個吹鬼機呀 ~

係紙牌高定我矮呀   嘩哈哈哈

好小朋友 feel   好得意   哈哈

一入到去聞到好強烈嘅味道   以為係殺虫水   但心諗無理由參觀時間噴殺虫水家嘛   後尾先知有人喺度打腊   抹到乾乾淨淨   一塵不染架   睇得出佢好愛惜 d 嘢

好耐以前嘅消防裝備

消防帽好靚

由細到大   我都好鍾意睇車   爸爸買玩具比我   我都係會揀搖控車   又鍾意打機   最經典係買賽馬機   得 4 隻馬仔係度兜圈   大過諗番都唔知有咩好玩   哈哈   所以家姐同 d 朋友成日話我好似男仔咁   哈哈

好靚呀

我覺得佢地 d 顏色好靚   同埋細細個好得意   當擺設咁睇   哈

出發

影到佢好似看更   哈

見路就行

行到 5 點 20 分又抖下先   里奧大人話攰   但其實我可以再行   其實想去教堂   不過原來行下行下   由荷蘭園行到新橋區    再行到北區添呀   miss 咗教堂   咁唔去 lu ~

唔係睇到個懿字   真係唔知係咩嘢字啊

我玩咗出面果個   左搖右搖勁好玩   如果屋企樓下有就好喇

好掂嘅街名

同里奧大人周圍行周圍影相都差唔多 6 點     搭巴士去沙梨頭嘅紅街市   天書話有好多嘢食嘛 ~

174759 係時間

經過好多呢 d 食店   其實好似馬來西亞嘅 "Lok Lok"   不過 d 食物就係人地淥埋比妳   唔係自己淥囉

6 點去到   附近都無嘢食嘅   呃人嘅   咁反正黎到   食碗糖水囉 ~

夠哂地道

我地張枱仔

芝麻糊一般



綠豆沙就好正喇   好多材料   飲完好消暑咁   哈哈

無諗過會去街市附近



個名好得意

6 點 20 分喇   係時候食嘢   因為對腳要抖下   哈哈 ~

附近又唔覺有咩好食   同埋最重要係我比 2 包朱古力奶 ko 咗   搞到咩都唔想食 ~

咁唔想搵巴士   所以搭的士去漁人碼頭   都係 MOP33   多人真係搭的士好過   夠快嘛 ~

想去漁人碼頭嘅非洲村食嘢   但無人嘅   所以唔去啦   咁去食泰菜啦   又係無人   唔通太早 ?!   但無理由丫   都 7 點喇喎 ~

望住個海   係舒服嘅

里奧大人成日覺得我咁企好勁   右腳搭喺左腳前面再交叉腳   其實長短腳咪會咁囉

酒店送咗 1 張巴比倫娛樂場 $300 嘅 coupon   不過我地都無睇係 for d 咩嘢   因為賭錢又唔會   貴嘢又唔會買   無咩用囉   哈哈

呢間酒店都幾正   可以坐喺露台   吹住海風

行入去漁人碼頭搵食先

我地住嘅酒店

d 色好似 poster card 咁   哈

唔想去氹仔   我話去金沙美食廣場啦   一定有得食嘛   去到都真係差唔多 full 哂   同埋睇 d 嘢食又唔錯咁添噃 ~

我食個炒菜算喇   里奧大人就食飯   真係好反胃   走去買青檸梳打   居然無青檸   咁算啦   坐低抖下算喇 ~

  

我覺得呢個震震顯示器真係非常之好

馬拉盞炒通菜   好似 MOP55   越食越辣

香茅豬扒飯   都好似係 MOP55   炸過嘅豬扒好好味   不過我實在太飽   食咗一啖已經唔想食

椰青好似 MOP45

差唔多 8 點半去漁人碼頭影相   影完就去碼頭   其實我地買咗 10 點半船飛番香港   不過真係無咩再想睇   所以情願等後補飛上船 ~

UFO 好靚

好鬼秘咁   哈哈

跑步一流   哈哈

無人嘅地方   真係行得好舒服

其實地方好大   不過無咩人行呢

好似係餐廳

去到邊都見到 "金沙"  "sands"

見到碼頭   所以住勵庭海景去碼頭係超級方便

 有 UFO 出現

                    

有買手信嘅地方

走人喇

諗住買柑香茶比家姐試   點知部部汽水機嘅柑香茶都 sold out   好後悔頭先無買 2 pack 番香港呀 ~

9 點過埋關   後補飛排咗好長人龍呀   起碼 100 個人   最搞笑係前前後後都係搭 10 點半船   大家都話咁排法   可能都係搭番 10 點半船   哈哈 ~

9 點開始排隊喇

好多好多人   同埋指示不足   場面好鬼亂   同埋遲咗無得上船嘛   個個都好掹咁

好感恩等咗 35 分鐘   終於可以番香港喇 ~

我地前面係無位架   如果腳長就舒服喇   唔駛屈住對腳坐   對我黎講就無咩影響   嘩哈哈

一望無際

10 點 45 分落船   之後搭的士番屋企 lu   沖埋涼   12 點幾先瞓 ~

澳門遊行程完畢

酒店 : HK$1,100/晚
船飛 : HK$177 (星期五) X 2 
           HK$189 (星期六) X 2