搭番地鐵去國貿 行下商場 過下冷河 ~
大熱天時 睇見佢都好辛苦呢
4 點半喇
今次搭 11 個站
其實呢張相係按錯制 不過又覺得幾得意 好在車廂唔多人 得我同里奧大人企喺度咋 好感恩過咗兩個站之後就有位坐
熱呀 所以要買嘢飲 喺泰國同灣仔都飲過 COCO 覺得都好好飲 估唔到深圳呢間又係好飲
我飲檸檬霜 原個青檸 仲送埋蘆薈 咁我飲嘅時候咬到啲一粒粒嘅嘢 我以為係青檸肉 但唔酸 之後仲以為自己咁勁 食到咁酸嘅嘢 咁同里奧大人講啦 之後佢話係蘆薈 因為我唔知係送嘛 係佢幫我買呢
個商場買貴嘢多 所以無乜人行
最忙係呢間 哈哈
有個露天茶座
周大發珠寶
再周圍行下 lu
我勁想食餃子呀 雖然只係 5 點半 啲時間唔拖唔水 但我都想食囉 ~
地方好闊落 之後都差唔多坐滿哂 lu
唔知喺深圳嚟講算唔算平呢 ?!
芝麻香芋餅 (RMB 5) - 里奧大人特登買比我食 話之前食過好煙韌喎 所以買比我食
唔係好煙韌咋噃 同埋我唔係咁想食芋頭嘢 因為食完會好滯
三鮮水餃 (RMB 20) - 都 OK 啦 不過有啲唔熱 唔係就更好囉
炸醬刀削麵 (RMB 18) - 里奧大人話煙韌喎 所以叫啦 我都話好㗎 因為 Display 嗰碗係細碗 估唔到咁鬼大碗囉 食剩 1/3 唉
原來啲份量好巨 當 Tea 食係非常之辛苦 哈哈
百事可樂 (RMB 5) 唔知挑贊係咩意思呢
個樣好似好辣 但其實無乜料到
依家要每位 RMB 2 茶錢 里奧大人話之前無㗎
食完出去行喇 內地都好多周大發喎
里奧大人以前番工都會經過呢 依家佢帶我去懷念下
食完抖陣再去東門 成日聽里奧大人話去東門買嘢 我仲以為係女人街格局添 原來係一個區 好多商場同埋小店 都幾好行呢 ~
今次有收獲 就係買咗 10 對彈性絲襪 RMB5/對講到 RMB4/對 香港搵唔到呢啲咁薄嘅 因為我對鞋一定要着超薄身絲襪 上次着對船襪都唔舒服 搞到對鞋有啲緊 其實我之前喺香港買咗 3 對嘅 仲要 HK$18/對 着咗兩次就穿咗窿 激鬼死 ~
到東門喇
估唔到平日都好多人行
去 Food Court 睇有咩好食 不過其實我唔會去食 哈哈
又見到應急反恐執勤點
咁古色古香嘅
西華宮
柯大 哈哈
越來越多人
行下行下都天黑黑 lu
內地仍都好多周六福 手表 唔係應該寫手錶咩 ?! 定係內地寫簡體字呢 ?!
九龍城廣場
其實唔餓 但已經 7 點半 所以點都要食嘢囉 ~
驚一陣食嘢辣得滯 所以買定杯嘢飲先
基本上我好多時買呢啲杯杯嘢 多數係買珍珠奶茶 但咁鬼熱 所以只會飲酸嘢囉 里奧大人都覺得好少有呀 哈哈 之後同佢講 見我飲酸嘢即係代表我超級熱啦 哈哈
寒天愛肉葡萄柚 (RMB 14) 睇落好似平過香港 但係依家 x 1.25 即係 HK$17.5 同香港差唔多價呢
東門嘅 Building 都幾有特色
要上樓梯 咁頭先上去睇過 都好多人食 所以先揀呢間呢
松鼠魚 (Whole Fried Fish with Pine Nut) RMB 42 - 唔見有 Pine Nut 喎
無諗過咁大條 因為香港食起碼要百幾蚊 不過呢條魚超勁多細骨 吉到啲牙肉好痛 食咗幾粒要放棄 lu 里奧大人盡咗努力 食咗 2/3
川北涼粉 (Clear Noodles with Chili Sauce) RMB12 - 仲諗住煙韌 點知係林 Pat Pat 同埋以為好辣 但其實一啲都唔辣
搭地鐵番香港喇
食完抖更都 8 點半 係時間番香港喇 ~
經過超市 見到原個大樹菠蘿
搭 2 個站去羅湖 去到火車站已經 9 點 10 分喇
去到火車站 咁我行先嘛 突然聽到連續嘅咇咇聲 之後里奧大人好緊張咁叫我跑呀 咁我就跟大圍跑啦 整鬼佢咩 嗰下以為有恐怖襲擊呀 原來係因為要控制人流 所以要關閘 之後要再等多 10-15 分再開閘囉 因為頭先喺商場睇到啲遇到恐怖襲擊要點做 喺東門又話有反恐表習 真係驚囉 ~
番到屋企都 10 點幾 沖埋涼 抖陣都瞓喇 出咗一身汗好攰呀 ~
哈哈！阿周大福细路在大陆都捞得好掂下！！
回覆刪除六叔真係撈得好掂架 哈哈 ~~~~
刪除