叉燒油雞飯 ( 外賣 ) @ 屋企 ( 10-MAR-2016 ) + ( 11-MAR-2016 ) + ( 12-MAR-2016 )

( 10-MAR-2016  THU )

今朝又食魚柳餐   但比錯麵包   仲諗住食下奶油脆豬嘛   嗚嗚 ~

菇場唔忙   但個肚谷住谷住唔多舒服   好在有暖手袋   成日敷住好舒服呢 ~

Lunch Time 唔餓   所以食個菠蘿包   同埋飲杯芝麻糊暖暖個肚就算喇 ~

好嘢   Hea 到放工   一出大堂覺得勁寒呀   今朝同放工嘅氣溫真係相差 10 度都有   好在着夠衫 ~

完全無胃口   勁攰又暈暈地   都應該每月一到㗎喇   所以睇醫生拎定聽日病假紙呢 ~

睇完都 7 點   里奧大人啱啱放工   我都拿拿聲番屋企沖個熱水涼先喇 ~

叫里奧大人去燒臘舖買飯番嚟食   我無咩胃口   食小小就夠 lu ~

里奧大人好開胃咁   食完飯再食 2 包辣嘅 mimi   之後又食個蘋果   我最鍾意見到佢食嘢   因為咁先覺得佢好 Relax 咁呢   哈哈 ~

勁攰呀   個肚有啲谷住唔舒服   但就唔係痛囉   所以我 10 點半即瞓喇 ~

( 11-MAR-2016  FRI )

今朝 8 點 45 分即打番菇場請病假   之後再瞓 ~

10 點幾又醒一醒   個肚完全唔痛㗎   勁開心啦   但之後又痛番   但好似無以前咁辛苦喎   唔通吉耳仔有效 ?!   不過仲係有嘔   如果唔係就更加好 ~

11 點幾家姐打嚟話媽咪轉去靈實   咁都好   無咁多菌 ~

瞓呀瞓   又沖下涼   出出入入好攰   不過次次沖完涼又覺得好舒服   哈哈 ~

里奧大人 8 點番到屋企   佢自己煮五香肉丁辛辣麵呀   食得好開心咁 ~

之後我沖涼洗頭   10 點又入房瞓喇 ~

( 12-MAR-2016  SAT )

如果呢日唔駛番工就好啦   但無可能 ~

8 點半起身   因為打的番菇場 ~

完全無胃口   只係飲咗杯熱菜蜜   但唔知點解都好反胃   成日喺洗手間出出入入 ~

個肚有啲痛   但就唔係劇痛囉   所以無做過嘢   肥仔豪最好   見我唔舒服   話啲嘢唔急   可以下星期比佢   因為我全日都係合埋眼 Dup 低個頭   我平時唔係咁家嘛   哈哈 ~

放工即走    番到屋企叫里奧大人開機洗衫   之後我就即沖涼   之後由 1 點半瞓到 4 點半   爽呀 ~

出廳睇下電視   里奧大人差唔多 7 點就去買嘢食   我仍然唔餓   但里奧大人照買叉油雞飯   咁我可以食啲雞   不過我真係食唔落 ~

沖埋涼   再睇多睇電視   11 點幾瞓喇 ~