2016年3月26日星期六

金坊泰國美食 @ 荃灣 (PART 1/2) ( 26-MAR-2016 )

( 26-MAR-2016  SAT )

今朝 9 點半起身   刷牙洗臉落樓食早餐 ~ 


食完再去買麻糬同支裝茶   費事一陣匆匆忙忙唔記得呢 ~

呀 mi 話要 2-3粒   我以為係佢自己食   點知佢話係同呀喂 share 食   又會食咁小嘢嘅   真係聽見都餓呀   哈哈   因為 $17/5個   所以唔理喇   比夠 5 個佢地呢         


番到屋企再執好 d 嘢就出發喇   本來約咗呀 mi 喂 11 點 45 分喺黃大仙巴士站等   但最後都遲咗 5 分鐘   最衰里奧大人啦   計錯時間   哈哈 ~

好喇   會合就即跟呀喂領隊喇   唔記得坐 37M 定 18 小巴   之後去到 xx 落車   總知佢叫做乜就做乜啦 ~   

問番呀 mi   我地係喺沙田拗上山   再行麥理浩徑 4 & 5 段呢 ~

今次我唔掂呀   上斜路 10 分鐘就要抖一抖   真係好驚影響呀 mi 喂行山速度   但最衰我又唔快得   唉   下次再行多幾次勁嘢   先好約佢地行   真係唔想拖慢人地囉 ~

11:57am 落車 


上斜。。。。。。


12:03 pm   睇相我仲以為自己要抖下添   原來係呀 mi 話有隻無尾蜥蝪   我想影相   但佢走得好快   可能我嚇驚咗佢呢 




繼續上斜


12:11pm 我又要抖喇   睇佢地啲企姿   真係 hea 住等我抖   呵呵   咁我地又飲啖水咁嘛   呀喂開呀 mi 背囊拎水杯出黎   好鬼粗魯咁將 mi 條馬尾 fing 左邊   之後呀 mi 話一陣又會 fing 多次   果然真係 fing 多次   好搞笑   呢下我覺得里奧大人原來對我好溫柔   佢唔會大力整我啲頭髮架   因為我會鬧佢  哈哈   大佬呀   我頭髮已經唔多啦   整多兩整無埋架喇   



我地無上去睇呀


所以繼續上去   呀 mi 個姿勢好搞笑   好似好攰咁   我睇見佢披件褸就覺得熱喇   哈哈   


行咗半個鐘終於到平地喇   勁開心   去埋個洗手間就正式行山喇喂   


我話呢部車好勁呀   呀喂話有乜咁勁 ?!   因為我以為呢個係車頭黎架   全黑喎   係咪型先 ?!   但之後再望真啲   原來係車尾   哈哈   肯定上斜上到痴咗線   哈哈 


呢日都熱熱地架   但間唔中就有風吹埋喇   冰冰凍凍咁   勁正架   


影完指示牌   但其實都唔知自己去邊   因為全程跟住呀喂行   哈哈   


上樓梯喇   呀喂成日問甘唔甘   唉   做駛講嘅   哈哈


1 點喇   又搵個地方比我抖下   哈哈


望到鑽石山同九龍灣   好有親切感


呀 mi 同呀喂講   話介紹邊個地方呢   係要話比人知喺天橋或者馬路附近邊度   人地先清楚 嘛   因為棟棟樓差唔多   呀 mi 咁講   我突然間覺得佢真係好仔細呀


行呀行   成程真係講好多次唔好意思架   始終今日咁好天   如果佢地兩個自己行   應該可以好快行哂   但我蝸速又要抖   唉 ~

呀 mi 都安慰我   話佢依家行山都係慢慢行囉   但呀喂就話我真係行。得。仲。慢。過。佢。爸爸   嘩哈哈哈哈 ~

傾傾下   里奧大人喺度摸下條頸   之後唧住隻唔知咩昆蟲慢慢睇係咩   嚇死人咩大佬   我見到好似係一間間咁嘅昆虫   嚇到我同 mi 即走啦   我地長頭髮   最驚痴住喺啲頭髮度囉   所以我不停咁 fing 個頭   有咩聲音就即撥走去呢 ~ 

呢 d 路算好好行架   


影咗又點   都唔知去邊   嘩哈哈哈哈    



有唔小狗出沒   不過呢兩隻係有狗帶呢


我行呢啲絕對無問題   仲可以邊行邊傾添架   哈哈


上獅子山頭   唔好搞我





機槍堡遺跡   石屎嘅左上角有幾個長方型洞口   就係機槍口喇


機槍堡簡介


2 點半喇   又影下積木 


咁應該係去筆架山 lu 


繼續上上上   辛苦過行黃山   嘩哈哈哈哈


落後了



行呀行   呀喂行得好快   完全唔見佢踪影呀   咁呀 mi 話呀喂一定特登行快啲   之後就玩電話   講到呀喂好似細路仔咁   哈哈 ~

我地以為呀喂喺度等我地架   點知我地抖咗陣   我再叫幾聲呀喂都無人應   佢應該真係走得好遠   之後我地都走喇   


行咗差唔多好似 15 分鐘左右   都唔見呀喂    之後見到佢覆群組谷   咁即係佢無碌落山啦   放心放心 ~ 

終於見到呀喂喇   呀 mi 即話佢啦   話又要擔心前面嘅你   但佢又唔可以上前搵你   因為又要擔心後面嘅我   嘩   好感動呀衰笠   哈哈 ~

woo   行得越黎越高 lu


今次真係要上好多樓梯呀   我其實 ok 嘅   但就唔可以快   因為真係唔夠氣 ~

我叫呀 mi 唔好行我後面   我驚一陣無力向後跌   佢話佢會一手托住我個籮 pat 再推番我上前  好勁咁喎   哈哈   不過有啲人真係喺緊急關頭   可以力大無窮架 



呢張相   好似反影緊呀 mi 唔上又唔落   哈哈   因為佢真係顧前又顧後   我勁唔好意思呢


呀 mi 捉住呀喂 "訓話"   呢個時間我就會乖乖墮後 (笑) 呢   嘩哈哈哈哈



有個亭   不過都無坐低抖呀   想快啲行呢



呢張相   我覺得完全表達到我喺度想講 : 仲要上幾多級樓梯呀 ?!?!?!  


如果我全日行呢啲路真係無問題架喎   呵呵


呢日未完架 ^^

5 則留言:

  1. 唔好意思笠..唔好再唔好意思啦!
    你影左好多相呀~同埋好仔細~我無乜影相咋
    同埋睇你寫先記得原來講過咩..哈哈哈哈!好清楚記憶呀
    攪笑呀你! 見到架垃圾車都話勁~你真係行到眼花花啦!哈哈
    係啦!小奧幾細心~阿喂真係對我好粗魯架~所以攪到我都粗魯晒(衰)

    回覆刪除
    回覆
    1. 依日真係好多上山樓梯~見到你行得好吃力呀
      原來仲辛苦過行黃山~哈哈哈哈!陰功笠豬
      不過都完成到啦!(掌聲鼓勵)慢慢行真係舒服..唔駛急趕喎
      係喎! 依日都見好多狗~最記得有隻想落山呢
      阿喂又話隻狗好兇~佢咩狗都話兇架!真係比狗咬後遺症
      其實果隻狗仲驚過我地ma

      刪除
    2. 哈哈哈哈!係呀笠..小奧搣隻昆蟲睇果下勁恐怖呀
      真係攪到少少野撩到~都攪到神經衰弱!
      阿喂自己行真係唔應該啦~抵鬧架! 估唔到你"殿後"..原來笑!哈哈
      尾2果張勁表達~同埋我地上樓梯都表達到有幾斜囉

      刪除
    3. 咦? 少左個留言既? 已經係回覆入面留言了喎
      晏d睇下有無出現先~因為果後email都無呀
      閃! 出去買餸! 88你條豬肋骨

      刪除
    4. (頭先唔見左依個留言呀)
      依日真係好多上山樓梯~見到你行得好吃力呀
      原來仲辛苦過行黃山~哈哈哈哈!陰功笠豬
      不過都完成到啦!(掌聲鼓勵)慢慢行真係舒服..唔駛急趕喎
      係喎! 依日都見好多狗~最記得有隻想落山呢
      阿喂又話隻狗好兇~佢咩狗都話兇架!真係比狗咬後遺症
      其實果隻狗仲驚過我地ma

      刪除