韭菜雞肉水餃 + 炸魚皮 (外賣) ( 17-MAR-2016 )

( 17-MAR-2016  THU )

好大霧呀   又凍凍哋   完全係濕凍無陽光   呢啲天氣真係悶壞人咯 ~

今朝明明想食菠蘿包   點知 8 卦又話去另一間食早餐   咁是但啦 ~

菇場勁 Free   因為大粒唔喺度   呵呵 ~

Lunch tTme 未餓呀   所以出去買支大紅浙醋   咁今晚唔駛再去超市買   諗住買埋蒜頭   但幾間嘅蒜頭都唔靚嘅   所以放棄 lu   行到 1 點 10 分喇   所以要買菠蘿包番菇場食喇   唔想開工時間先黎食嘢呢 ~

仍然 Hea 到放工   但我都係去 Taste 買蒜頭   都係覺得有生蒜好食啲   哈哈 ~

番到屋企醃好哂嘢   浸好哂菜就開機洗衫   抖到 7 點就打比里奧大人   不過佢仲未放得工   唉   咁睇住電視等佢啦 ~

里奧大人 8 點先放工   餓到我呢   之前幾日唔餓架   但今日全日都餓咁   所以叫里奧大人快啲幫我吉耳仔   等我可以無咩胃口食嘢呢 ~ 

是日晚餐 - 韭菜雞肉水餃 + 炸魚皮 ( 外賣 ) 

韭菜雞肉水餃 - 估唔到用雞肉餡都好食喎   里奧大人仲以為豬肉添   今次買咗 $5 水餃皮   但仲剩 10 塊   但無餡包啦   留番下次試下煎水餃先 ~     

炸魚皮 ( 外賣 ) - 尋晚買定架   老闆娘話啲 客教佢將炸魚皮放入雪櫃   第晚仲好食   其實我唔知咩為之仲好食囉   又唔會入味啲嘅   但就好肯定一樣就係炸魚皮仍然會脆囉   我試過食唔哂放喺飯枱   可能縛唔實   第晚食係林哂架   所以我尋晚都問老闆娘   留番第晚食仲會唔會脆囉   佢就咁教我放入雪櫃喇 ~

搞掂哂都 9 點幾   即沖涼休息喇 ~

睇埋電視   11 點幾瞓   今晚有睡意喇 ~