2016年3月29日星期二

韭菜豬肉水餃 + 炸魚皮 ( 29-MAR-2016 )





( 29-MAR-2016  TUE )

嘩   今日生活又回復正常喇   但勁唔想起身   之後同里奧大人講話   放 4 日假呢   應該放多 1 日   而呢 1 日係比我地適應番   估唔到里奧大人答我話   無人叫妳番工前 1 日去玩家嘛   嘩哈哈哈   係喎   點解我諗唔到嘅呢   衰佬 ~

對腳終於唔痛喇   真係要行多 d 山   緞練番好個身體先   唔係唔掂呀   哈 ~

早餐食熱狗   我覺得呢幾日好似食滯咗咁   其實唔餓   但就唔想食多士乾爭爭囉 ~



菇場忙咗陣就 hea 喇   大粒又唔喺度   所以勁 free   啱架喇   假期之後第 1 日番工真係無乜 mood 做嘢呢   哈 ~

Lunch 食麥皮   我差唔多 1 點 15 分先食   食完就啱啱開工 ~

之後醫生打電話比我   醫院 d 醫生好好人   之前佢太忙   所以唔得閒打比我   我都預咗佢唔打架喇   估唔到又會打番比我   感恩 ~

醫生話媽咪腎指數係 160-190 算正常   要限水 1 分升   但最好保持偏脫水狀態   因為驚 d 水排唔到出黎   之後話要食清淡   依家嘅去水丸係 for 輕鹽份嘅   食得太鹹排唔到水嘅話   又要入番醫院架喇 ~

無胃口   check 咗咽喉又正常喎   醫生睇番記錄都話媽咪鍾意食有味嘢   唔關食道事   咁我都放心   我初初驚媽咪咽喉有問題架 ~   

我問醫生如果叫媽咪大力深呼吸會唔會氣喘   佢話唔會   但就唔可以快   因為驚回唔到氣   醫生都話媽咪懶啦   佢話媽咪同佢講話唔怕死   最怕係 d 女唔比佢瞓   因為真係好攰喎   我覺得媽咪真係痴痴地   點可能瞓足一日 23 小時零 58 分鐘架   仲可以唔轉身咁瞓架喎   已經生肉瘡   醫生話生開就會周圍生   同埋會爛肉架   真係以為唔比妳瞓係害妳咁   嘥氣 ~

放工去街市買餸   之後番屋企   浸完菜就拖地   之後包餃子喇 ~ 

8 點開餐   點知里奧大人打黎話放工   但我點都要食先喇   好鬼餓   之後到佢喺鑽石山嘅時候   我就預備煮佢果份啦   問佢食幾多隻   佢話 8 隻   我話咁小   食 12 隻啦   之後佢又笑啦   話我問佢做咩   哈哈   我成日都係咁   佢都習慣了 ~

是日晚餐 - 韭菜豬肉水餃 + 炸魚皮  

韭菜豬肉水餃 - 今次去呀伯果檔買   $6/半斤   但細塊 d 嘅   咁下次去番遠小小番喇   咁唔駛包咁多隻   哈哈 ~  

炸魚皮 - 呀喂喺行山果日買比我地架   今晚點都要食喇   mi 話炸魚皮係醃過架   同埋有胡椒味   果然堅好味呀下   哈哈   同埋我鍾意夠薄脆呢 ~

等里奧大人食完   我再洗埋碗就落去萬寧買奶粉   呀奧幫大陸同事買架   我同佢話只可以買 1 罐   因為驚個個同事叫佢買   人地以為走水貨就慘喇 ~

里奧大人無啦啦又話食雪糕   咁食啦   佢食凍嘢就好地地   我話"想"飲凍奶茶咋   就話唔好生冷嘢   衰 ~



番到屋企即沖涼喇   睇埋 DO 姐就瞓喇   今晚好攰   哈哈 ~   

5 則留言:

  1. 二辦事笠..早呀!
    係啦! 復活假期好似眨眼又過~講真..有節目仲攰過平日係屋企!哈哈
    餃子整得好靚呀~唔好又話我幫小奧~你又係衰既! 人地話8隻..你係都要12隻
    hey..男人食凍野無女人咁傷~不過其實都唔好食太多凍野
    有時我都話阿喂架~食凍野..體溫低左~機能要轉化更多脂肪去保暖
    多脂肪好易變肥+凍野濕易水腫~所以食野飲野最好同身體體溫一樣
    間中當然無問題啦

    回覆刪除
    回覆
    1. 笠媽唔郁瞓到生肉倉好嚴重喎~但無計..點講都唔郁
      真係無人幫到佢~依家好睇佢自己..想揀條咩路行
      再係咁~真係只會嚴重無好轉囉! 唉!

      刪除
    2. 二笠毛妳好 哈~
      妳話係咪激死我丫 不過我依家唔會話佢lu
      反正怇講極唔聽 我留番d氣力做其他嘢好過~~~~

      刪除
  2. (笠笠復活了)
    二辦事笠..早呀! 係啦! 復活假期好似眨眼又過~
    講真..有節目仲攰過平日係屋企!哈哈
    餃子整得好靚呀~唔好又話我幫小奧~
    你又係衰既! 人地話8隻..你係都要12隻
    hey..男人食凍野無女人咁傷~不過其實都唔好食太多凍野
    有時我都話阿喂架~食凍野..體溫低左~機能要轉化更多脂肪去保暖
    多脂肪好易變肥+凍野濕易水腫~
    所以食野飲野最好同身體體溫一樣 間中當然無問題啦

    回覆刪除
    回覆
    1. 笠笠 呵呵呵呵~ 勁呀呢 令妳復活~~~~
      妳都覺呀?! 我直頭覺得假期攰過番工添呀 哈~
      多謝妳讚賞呀 整餃子真係易過煮餐飯 又係講起都想食添 哈~

      咩呀 驚佢8隻唔夠飽嘛 對佢咁好 妳都話我 嗚嗚嗚嗚~
      其實飲凍嘢真係唔好 濕重呀 但有時真係突然間好想飲凍嘢囉~
      我記得妳話打邊爐唔好飲凍嘢 同埋我一番工就唔想飲凍嘢
      因為菇場實在太凍 再飲埋凍嘢 我會變冰條~~~~~~

      刪除