2016年3月27日星期日

牛下新城 ( 得米美食檔 ) + 滿記甜品屋 @ 九龍灣 ( 27-MAR-2016 )

八座小食 五香牛雜 ($20) - 無味嘅  甜醬芥辣又係無味  同埋 d 醬好似水咁稀   恐怖 @@ 
鴨肉湯底碗仔翅 ($20) - 又係食鼻涕咁 @@
八座沙爹魚蛋 ($7) & 魚肉燒賣 ($7) - 一般
凍豆漿 ($12) - 夠凍囉 



@ 滿記


今朝 9 點半起身   食完早餐   抖陣就番教會喇 ~




崇拜完畢就去睇下有無得買紅米 Note 啦   又係賣哂   咁去 MP 買完生果就番屋企 lu ~

我同里奧大人都勁攰   佢番到屋企即入房瞓   我就喺廳睇雜誌   之後玩 line 玩到 3 點左右   開始黎料喇   勁眼瞓   一瞓就瞓到 4 點幾   當堂精神哂呀   哈哈 ~

里奧大人 4 點 45 分先醒   果然好攰呀下 ~~~~

去埋大快活食 tea   之後去探媽咪 lu ~    




今晚大食表妹都黎   所以我都去探媽咪啦   佢山長水遠黎嘛   見下面都好 ~

估唔到連佢都覺得媽咪懶   所以我同佢講佢係正常人   哈哈 ~

我之前見到媽咪成日瞓   我會叫佢好心就郁下啦   同埋大力呼吸   但家姐次次就會話媽咪腎有行   心有事   肺有事   所以無力   我其實好想話妳就真係有事   大佬   慢慢咁大力呼吸係對心肺都好架   好過聞氣啦   懶到大力呼吸都懶   我無嘢可做架喇   所以我同里奧大人講我會選擇唔出聲   鍾意點就點 ~

大食話媽咪唔郁真係唔得囉   機能會好快玩完   得閒應該坐喺張櫈度 fing 下對腳   fing 到覺得自己有力   就再用扶助架起身   我話媽咪根本懶到出汁   開眼望妳都話攰   所以慳番啖氣啦 ~

咁講開家姐成日話媽咪無力嘛   唔係懶   咁里奧大人反問家姐   佢有力嘅時候會唔會周圍行丫 ?!   家姐唔出聲啦   因為媽咪懶到乜都話唔想行   所以大食叫媽咪郁呢   里奧大人指住家姐   叫大食同家姐講 ~   

家姐同我講話大食唔比佢幫媽咪   因為媽咪想教好 d 張床   家姐好自然幫佢按制   但大食推開家姐   指住個制同媽咪講話個制喺妳隔離   妳自己按啦 ~

嗱   大食係一個非常包容嘅人   同埋佢都錫媽咪嘅   間唔中都會問媽咪點   同埋會黎探媽咪   依家連佢都忍唔住話妳嘅話   就知妳做嘅嘢係錯   因為佢成日比婆婆蝦架   婆婆把衰口又衰   成日笑佢話佢   佢都唔出聲架   不過依家佢已經頂唔順婆婆   所以會話番婆婆   忍耐係有限度   唔好得吋進尺   最終都係妳自己受番架咋 ~

我同大食講話   終於比妳睇到真實情況   媽咪真係懶到咁   所以我探到無心機   同埋個心好攰   總知有事唔好對我喊就得喇   佢叫我保重身體   哈哈 ~

講真   我無諗過大食係咁識諗   因為我覺得佢係順得人嘛   叫佢企佢唔會坐   同埋我唔知家姐諗乜   我同里奧大人叫媽咪做運動好似犯咗彌天大罪咁架   所以我地唔再講喇   佢地鍾意乜就乜啦   有咩就自己同醫生講   唔駛同我地講咁多   我地唔會理   比個好醫生妳   比間十星級醫院比妳又點 ?!   核心問題係個病人   病人唔願意做   我選擇放棄   做足自己本份   探到佢 7 點即走   唔好阻住佢瞓嘛   佢咁鍾意瞓 ~~~~

7 點就一齊走喇   行到半路   大食話要去家姐屋企借洗手間   我地咪話佢一早講嘛   佢話驚唔好意思   比佢激死   我地有時間嘛   咁我地半路分手啦   10 分鐘之後   佢坐嘅巴士到咗啦   如果佢一早話去洗手間咪好囉   可以坐到呢班車 ~

無耐到我地上車喇   唔太餓但我又想食 d 嘢   所以近近地去得寶喇 ~

食完行陣   番到屋企已經 8 點 50 分   抖 5 分鐘又要去滿記喇   之後唔番屋企啦   哈哈 ~

今晚約咗 2 姑奶一家同 3 姑奶去滿記食糖水   原本今晚要去幫手   最後又唔駛   實在太好喇   因為想番屋企早 d 休息嘛 ~

10 點 15 分走喇   番到屋企即沖涼   hea 到 12 點就瞓 lu ~

2 則留言:

  1. 一條好漢笠..仲係我呀!哈哈..係咪好開心呢
    個牛雜好肉酸呀~完全同水灼無分別..唔駛講都feel到無味
    大食表妹好識諗喎~真係可以叫佢話下你家姐..唔係下下就係對佢好
    真係要分黑白ma~希望佢真係明白..你地係為佢好唔係刻薄佢囉

    回覆刪除
    回覆
    1. 妳見到我都係好開心啦 係咪呀?! 哈哈~~~~
      個牛雜真係好難食 不過我想試好耐嘛 依家心息 哈~
      我依家先知大食係咁識諗咋 之前佢都係人講乜就聽乜架~
      家姐都唔知諗乜 因為佢自己都係咁嘅人 唔戒口
      所以我做咗自己本份就算喇 理唔到咁多
      唔好煩到我就得架喇~~~~

      刪除