2016年3月26日星期六

PART 2/2 金坊泰國美食 @ 荃灣 ( 26-MAR-2016 )

PART 2/2

行下抖下   好快就 3 點   真係行一半抖一半咁   真係唔好意思   嗚嗚 ~

~ 高居臨下




~ 我覺得呢 d 大石級好難行   但好刺激   哈   可能我腳短   衰奧成日同 mi 講話我今日 EQ 好高   但如果佢地唔喺度呢   就一定會鬧死佢   其實我邊會喎   都係哦幾句之嘛 --__--


~ 當我路人甲   嘩哈哈哈哈哈哈




~ 無行山杖嘅話   我行得仲慢呀   


~ 呀 mi 為我打氣   係咁講加油加油   哈哈


咁繼續呀喂領先啦   之後見到佢   見佢企咗好耐   佢話有隻狗唔走開   對眼好兇添   之後 mi 就行前睇下   勁 man   嘩哈哈哈   咁我地行番轉頭啦   等隻狗落黎   狗狗   連妳都蝦我   知唔知我行上黎幾辛苦架   哈哈   同埋隻狗都唔兇   我地行佢身邊   佢仲驚過我地呀 @@

~ 呢個男人應該腳抽筋   因為佢一坐低就係咁按隻腳呢


~ 我叫里奧大人影住相等我   哈哈  



~ 又黎呢 d 大石級


之後行平路呀泥路呀   我就開籠雀咁啦   但一上樓梯就會好安靜的   死未   哈哈 ~


~ 3 點半到畢架山觀景台   umm   佢地應該比預期慢 1 個鐘到呢度   哈哈  


~ 頭 dup dup 影樹葉 


呀喂成日離隊   可能覺得我太慢喇   哈哈   今次行山其實好開心   完全無咩點影相   我同 mi 傾   呀喂同里奧大人傾 ~   

呀喂上前搵路   呀 mi 要等埋我   驚我有事   里奧大人就一定係最後   驚我碌落山   所以好感激佢地咁陪我呢個蝸速人行山呢 ~

掛住傾   又無影相   都唔記得幾多點坐喺亭度休息   咁順便食埋 d 麻糬   但其實我真係食唔落   但呀奧呀 mi 話其實食嘢係好 d   咁先有力喎   咁食 1 個啦   之後呀 mi 拎咗支香茅薑茶加一包茶比我   嘩   好重啦   真係超級唔好意思   行山仲要拎埋手信比我   i love u ~~~~~~

~ 3 點半到呢度   開始行麥理浩徑第 5 段 




行到咁上下   抖嘅時候真係心口痛   所以之後 mi 話落山   但我唔想咁掃慶   所以呀喂去視察下先   見佢回頭奸笑   唔方好嘢   因為一定係好多樓梯   同埋佢地就我唔行去城門水塘   去深水埗坐車番荃灣   唉   真係唔好意思   我真係要行多幾次勁嘢   先敢再約佢地行山呀 ~~~~

~ 等緊呀喂好消息   哈哈



里奧大人再影多張相   就開始行 lu   佢似乎好鍾意圓碌碌嘅嘢   哈哈


~ 好在只係上十幾級樓梯咋   i can   哈哈  



~ 3 點 45 分 lu   唔知仲有幾耐先到家鄉呢 ?!


~ 咩來呢 ?!


~ 好在仲未天黑   哈哈  



~ 好多樹葉喺地下   所以都有 d 跣架   我同呀mi 都話唔知點解無人掃樹葉   但呀喂話咁多葉點掃喎 ~~~~



~ 呀 mi 攝入黎就唔話佢   要是係我   哼


~ 有個流動公廁


~ 開始要落好多樓梯   所以行到咁上下   個膝頭哥痛呀   同埋有 d 腳仔軟   因為 d 樓梯都幾大級   好在我有行山仗咋   卸咁 d 力   無咁辛苦   但其實可能得我一個辛苦   哈哈


♫ 昂然踏著前路去。。 追趕理想旅途上 



~ 呢張相影到我同呀 mi 打斜行咁   哈哈



行泥路就 easy job 啦   咁傾開炸魚皮   我地知道表表好鍾意食   所以佢地買咗幾包比呀表   佢地一齊食嘅時候   話呀喂食咗 2 塊炸魚皮呀   我話佢衰啦   佢成日可以食到嘛   之後呀 mi 話係啦   食 d 碎咪得囉   呢下我同里奧大人都笑爆   因為呀 mi 反應好快   哈哈   同埋食碎又好似好慘咁   哈哈 ~

4 點幾里奧大人同我講   今晚唔駛去舖頭幫手   改聽日   實在太好喇   今晚可以盡興 d 呢   呵呵 ~


衰奧又話我今日最好 EQ   因為有朋友喺度   點都唔會開口鬧佢喎   車   我都話明行過龍脊灣之後   行泥路爛路都 ok 囉   講起泥路   呀喂指住泥路話係石屎路   所以 mi 即糾正佢   大佬   石屎路同泥路差好遠架   哈哈 ~


呀 mi 話我唔好成日諗行得咁慢   會驚阻住人地   咁樣嘅行山心態   就會覺得行極唔遠好辛苦   之後佢見到抖氣好急   仲教我深呼吸呀   跟佢方法之後   真係無咁辛苦   同埋佢次次見我行得辛苦   就叫我大力深呼吸   好似我做完手術之後   姑娘係咁叫我深呼吸咁   哈哈 ~   

~ 我地由對面個觀景台行過黎架   頭先咁巨   依家變咗細細粒   感覺好似行咗好多路咁   哈





~ 好似隻熊人咁呀



~ 嘩   差唔多到家鄉喇





~ 見到好多馬騮   隻隻都好大隻添呀



~ Yeah   終於行哂喇



~ 沿途都有唔小馬騮   咁我地等緊巴士嘅時候   我離遠見到一 pat 嘢   我估應該係野豬   之後呀喂叫呀 mi 走過去影相   哈哈   衰啦   成日蝦人



~ 真係覺得佢好可憐












去到巴士站就放番相機入背囊   發覺唔見咗件褸   嚇鬼死   我問里奧大人係咪佢拎起咗 ?!   佢串串共話乜妳依家先知呀 ?!   佢話襯我食緊麻糬嘅時候   佢快手拎起放入佢袋呀   我真係無留意佢做咩架   掛住同 mi 傾計嘛   哈哈   其實呀奧真係最驚我辛苦嘅   佢之前係都要比支茶佢袋住   不過我唔制咋   始終我唔係揹大機   點都無佢咁攰   唔想佢個背囊重上加重囉 ~

5 點半上車   坐 72 號巴士出深水埗   咁里奧大人順便去黃金換番張電腦收據   如果唔經過就唔去架喇   唔想要人地等呢 ~

坐地鐵去荃灣   居然有位坐   我實坐呀   對腳好攰呀   哈 ~

一落車就去飯堂   見呀喂好快咁跑   仲以為佢去攞位   因為都已經 6 點半嘛   點知佢一番上黎就比 2 包炸魚皮比我   勁感動   但我就比里奧大人鬧死   話我成日咁為食   要人地特登去買呀 ~


呀喂跑去買炸魚皮果陣   一路跑一路做飲杯手勢   即係叫 mi 好叫定   等佢黎可以即飲到   哈哈 ~

我發覺呢排見親呀 mi   佢都一定比嘢我   太客氣啦實在   陪我傾計食飯已經好開心架喇   love u ~~~~

一坐低就點嘢食啦   之後呀喂話部手機熄咗   但又唔係無電   之後 reboot 又係一開就無電   簡單 d 講即係死機   佢個樣即刻謝哂呀 ~


我叫呀喂即飛線落 mi 電話   呀喂又勁心急   呀 mi 話佢拆完電拎一拎出來又再開電話   起碼要等 5 分鐘先開機就最好啦   整來整去都唔得   之後呀喂又唔知做乜亂哂龍咁   將條線飛來飛去   好在呀 mi 夠冷靜   收起佢電話   由 mi 拆電再等半個鐘再 boot 機   哈哈   呀喂真係成個細路仔咁   心急過我   嘩哈哈哈哈 ~   

7 點半咋   呀喂話唔食要去整電話呀   我一定唔比囉   最早只可以 9 點走   反正都用唔到架啦   咁 mi 話等部機抖下   聽朝再試   唔得先整囉 ~


佢呀  成晚坐立不安咁   仲話今晚飯堂所有食物嘅水準都下降哂   我話係心情影響就真啦   佢又話我潤佢喎   咁事實係嘛   頭先先同 mi 傾開話里奧大人同同事飲紅酒   要成 3千幾蚊同 5千幾蚊一支架   但里奧大人都話唔好飲囉   但如果同我地飲   飲十蚊支嘅紅酒都覺得好飲呢   心情好影響家嘛   又唔信人 ~


衰喂話我句句潤佢呀   其實都無   只係話。用。手。機。影。張。相。先。   同埋陪佢唔玩 Line 之嘛   其實我不知幾擔心佢呢   呵 ~


不過咁   佢工作需要   所以電話真係好緊要   最慘今晚可以有嘢要搞   所以壞電話真係好煩   同埋最怕 d 人覺得好壞唔壞   假期先壞嘛   之後 mi 一開到機   叫佢即搵番同事電話   再打比佢   話佢知電話壞咗   有咩事就打比 mi 個電話   咁就了咗心事啦   哈 ~


~ 唔知咩啤酒呀   初初兩支兩支咁叫   後尾就一支一支咁叫   其實我唔知佢地總共飲咗幾多支   哈哈


~ 泰國柑沙冰   好香柑味呀   下次再叫來飲   好過飲啤酒   呵呵   



~ 酸辣鳳爪沙律   嘩   好辣呀   不過好鬼正   只有呀 mi 同家姐陪我食咋   里奧大人唔食呢 d 嘢架  


~ 馬拉盞炒椰菜苗   呢個菜真係百食不厭      


~ 青木瓜沙律   又係正   


~ 香濃芝士蝦丸   呀 mi 話唔夠熱呀   我一路食   d 芝士係咁痴住門牙   真係要用水沖沖口先得   咁我個口 浪下浪下咁嘛   咁啱呀喂又望住我   其實勁樣衰   同埋勁驚我會吐番出來   嘩哈哈哈


~ 燒爐魚   我同里奧大人都覺得個汁好辣   不過呀 mi 話唔辣 @@



~ 香茅炸魚沙律   呀 mi 次次都係夾比呀奧先   之後到我再到呀喂   佢永遠係最後   所以我都覺得自己好衰   無夾嘢比佢   哈哈   睇個 menu 以為係炸到一絲絲嘅魚   點知原來係細細件咁炸   唉   我一心係想食炸到一絲絲嘅魚嘛 


~ 芒果黑白糯米   呀喂唔食喎   肯定無哂心機啦   因為唔放佢走嘛   哈哈  



食完都 10 點幾喇   呀 mi 喂送我地坐埋小巴就番屋企喇 ~ 

我尋晚同里奧大人講   我當今日係小旅行架喇   因為我依家唔想去旅行住   唔想心掛掛住媽咪   所以今日行山   我真係超勁開心   釋放好多負能量出來了 ~

沖埋涼   meme 摩摩   成 1 點先瞓呀 ~

手信 @ 馬來西亞



香茅薑茶



2 包炸魚皮   即放入雪柜先喇   咁就唔會林呢  


2 則留言:

  1. ~ 呢個男人應該腳抽筋 因為佢一坐低就係咁按隻腳呢。哈哈,点解你唔英雄救美啊!

    回覆刪除
  2. 三笠..早你個晨呀! 依篇前晚睇ed
    之後叫阿喂睇~我地灘係床睇ma..佢好似讀故事咁讀(笑死)
    嘩! 小奧影左我地好多相呀~睇返好似去返當日咁
    你仲勁..可以咁詳細講~唔講有d都唔記得講過呀!哈哈
    依日真係好開心呀~你知啦..早約仲難過即興~加上天氣又好
    心情都更加好~衰喂依日好多地方都好衰~又自己行又壞電話
    d情緒好影響人架ma~不過佢自己唔知架! 食飯攪笑啦!
    話食咩都無味~依晚幾好呀..可以坐4個半鐘慢食慢傾

    回覆刪除