2016年3月20日星期日

譚仔雲南米線 @ 牛頭角 ( 20-MAR-2016 )





( 20-MAR-2016  SUN )

尋晚 2 點瞓   今朝 7 點幾起咗身   本來想出廳睇雜誌   但最後都係覺得瞓多陣好 d   感恩瞓到 10 點   即起身梳洗落樓食早餐喇 ~



番屋企抖陣就番教會   崇拜之後直接行去 Megabox   難得今日係感謝日呢 ~ 

1 點幾去到 Megabox   咁經過 Ikea   食埋嘢之後再買個膠盒就走再去大眾書局換會員証    之後去 Aeon 買襪同拖鞋   最後喺 H&M 買 3 條 legging   里奧大人就買條長褲   買哂所有嘢就走喇 ~




小龍蝦田園沙律 ($39) - 龍蝦肉好腥 @@



好感恩一去到小巴站就有車   去到醫院都差唔多 5 點   見媽咪坐喺床度   咁同佢傾下計啦   之後佢合埋眼都由佢 lu   感恩見到姑娘   里奧大人好緊張架   因為佢想知媽咪咩情況   我同佢都覺得家姐只係黎睇媽咪   唔會問下媽咪聞 3 度氣係咩原因囉 ~             

姑娘話依家聞 2.5 度  打咗去水針就好 d   聽日開始食去水丸   咁腎指數指數係 134   之前係 152   咁咪即係好咗囉   實在太感恩喇   所以戒口真係好緊要呢 ~

家姐工人差唔多 5 點半先到   感恩媽咪都食咗半嚿魚   同埋小小蛋糕 ~   

我同里奧大人 6 點左右走喇   因為佢要做公司嘢   咁出到九龍灣都差唔多 6 點半   咁食埋嘢先番屋企 lu ~

肥妹一聽見瘦好話食土匪雞翼   就話一陣要食一啖   瘦妹唔係咁想咁   但肥妹再話只係食一啖   瘦妹好似無應承   咁碟雞翼一放上枱   肥妹即夾一隻咬一啖   瘦妹係咁望實肥妹咬咗幾多咁呀   之後肥妹放低番隻雞翼   瘦妹即刻夾住   驚肥妹再夾黎食咁   其實肥妹由坐低開始   已經講減緊點減肥   我初初以為聽錯   因為減肥無理由食一碟麻辣豬耳呀嘛   之後不斷講食乜幾多卡   食乜會肥   又話尋晚食咗塊低卡芝士好開心   全程係咁講食同點減肥   又大聲   唉 ~

佢地 d 對話好搞笑   肥妹話有個男仔唔細心   但瘦妹話唔係呀   個男仔好粗心   哈哈   咁其實有乜分別   之後肥妹係咁話雞肉好味   又話唔係減肥嘅話   佢係食過橋米線套餐   呢下就覺得佢超級大食啦   我同里奧大人 share 一碗過橋米線已經超級飽   佢居然可以一個人食哂   勁 ~

番到屋企即開機洗衫   之後就沖涼   里奧大人就即刻做公司嘢   做到 9 點半就搞掂 ~


家姐話鍾意......好鍾意對襪   



仲特登影埋麥包   話對手扒喺度   好似對襪嘅八哥咁喎


今日好頻樸咁   所以好攰   11 點唔夠都瞓喇   夜晚無啦啦又凍番呀   里奧大人又話要冚番張羽絨   我話唔好搞我   我冷氣被得架喇 ~~~~   

2 則留言:

  1. 米線笠..夠啦! 你食左好多餐米線
    我勁想食呀~依家勁肚餓..一陣飲當歸茶頂肚呀
    講開d人大食~有時我同阿喂去食野都見過d瘦人
    真係超勁大食架~唔係講食buffet..係普通散食餐
    真係堝勁誇張~佢地既食量..可以=我同阿喂3餐

    回覆刪除
    回覆
    1. 米嘈笠 食咗幾餐米線之嘛 有幾多喎~~~~
      妳話大食嘅瘦人 我即諗起呀表 哈哈~
      但我呢晚見嘅大食人係肥佬囉 見佢咁肥又食咁多嘢
      睇見都辛苦 哈~
      咁妳又細食呢 不過我咁大食 佢呢餐都可以=我同小奧2餐
      有時見到太大堆食物 反而會未食已經覺得飽
      以前唔會咁架 可能真係年紀大喇 哈哈~

      刪除