2016年3月18日星期五

吉豚屋吉列豬扒專門店 @ 九龍灣 ( 18-MAR-2016 )

吉列炸蝦雞扒定食 - 好似好耐無食過飯咁   所以里奧大人覺得我好奇怪   點解會食飯   哈哈 




吉列豬柳泡菜湯烏冬鍋




( 18-MAR-2016  FRI )

仲係潮潮濕濕   真係好煩呀 ~~

早餐食花生醬多士   乾爭爭咁   最 cheap 係得一邊有花生醬   錢就識收足   貨就交一半   唉 ~



菇場唔忙   咁就好喇 ~

Lunch 食酸辣米線   但其實次次食半碗就已經開始飽   要慢慢慢慢食   但米線已經唔熱   不過無理由唔食家嘛   但又唔可以好急咁食   因為真係食到出汗架   咪搞 ~



放工探媽咪   咁家姐話好大霧   叫我開住把遮行入去   等 d 司機睇到我喎   講到咁恐怖   我話我坐小巴入去算喇 ~   

同船頭一齊搭車   等咗 20 分鐘小巴先有車   咁坐 20 分鐘落車   好在佢帶我去小巴站咋   如果唔係我又要再搵   咁之後我自己再等 25 分鐘小巴   再坐 10 分鐘小巴先到醫院   真係人都顛   最邪係無啦啦有人要換片   我又要等   終於 7 點先入到病房   最搞笑家姐問我走未   我話啱啱入去探媽咪半分鐘咋   哈   因為我平時 7 點左右就走嘛   今晚實在等太耐車喇   下次真係行去好過 ~

家姐無耐就到喇   傾下計又 8 點 lu   咁係時候走喇 ~

里奧大人有朋友黎九龍灣食飯   諗住約佢   不過佢話要陪我食飯   咁食完飯再約佢地食糖水   算佢啦   特登陪我   嘻嘻 ~

想食泡菜鍋   咁去吉豚屋啦   點知原來已經無咗個泡菜鍋   嗚嗚   我就係想食家嘛   嗚嗚 ~

食完番到屋企都 9 點半   我就即沖涼   之後熨衫喇   咁里奧大人就一路做嘢一路等朋友囉   差唔多 10 點半就打比佢地   因為如果佢地仲未食完就出黎喇   不過原來佢地咁啱食完   咁就一齊去滿記喇 ~

我就睇雜誌同打機等里奧大人   差唔多 12 點幾先番到黎   咁再同佢傾下計   等埋佢沖涼   1 點幾先瞓呀   好在聽日 off   可以瞓到自然醒呢 ~  

沒有留言:

發佈留言