2016年3月31日星期四

燒汁鯖魚 + 蒜蓉炒脆肉瓜 ( 31-MAR-2016 )





( 31-MAR-2016  THU )

嘩   又回南咁天   今年 d 天氣真係唔多舒服咁   所以一見有太陽就一定出去行下   唔係又唔知幾時見到佢架喇 ~

今朝同里奧大人夾手夾腳拎哂 d 報紙比呀婆   但仲有 1 大袋拎唔到   聽日再拎埋就清哂架喇   之後就會隔日比佢   唔駛拎得咁辛苦   哈哈 ~

早餐食芝腿治   好似好耐無食咁   真係唔知自己年紀大無咩味雷   定真係依家 d 嘢無咩味   基本上芝士係鹹鹹香香家嘛   但呢塊芝士係無味   只係口感似芝士囉   但見佢係片裝芝士黎架   因為有次我見到佢拻咗塊膠紙呢   不過就睇唔到係咩牌字   哈 ~



菇場忙呀   好在 11 點搞掂   可以抖下 ~

Lunch time 行過大圈先   之後再買酸辣米線番菇場食 ~



仍然 hea 過   呵呵   放工番到屋企換對波鞋就去徑步喇   因為仲係好飽   同埋唔想食完出去徑   再煮比里奧大人食   好趕咁   唔鍾意囉 ~

條街好鬼焗熱呀   徑咗半個鐘就走喇   番到屋企都差唔多 7 點   換好衫就熨衫   熨到 7 點半就煮埋 d 韭菜水餃   食完就煎魚同炒脆肉瓜   想快 d 洗哂 d 嘢先呀 ~

等呀等   佢 8 點幾終於放工啦   我都預備煮嘢 lu ~   

是日懶餐 - 燒汁鯖魚 + 蒜蓉炒脆肉瓜

燒汁鯖魚 - 買咗就要煮架喇   唔係擺擺下又過期 ~  

蒜蓉炒脆肉瓜 - 懶呀   如果唔係用豆豉炒   咁樣會好味好多   依家就清清地啦   哈哈 ~

等埋佢食完   我洗埋碗   差唔多 10 點先沖涼呀   之後再熨幾件衫就休息   留番聽日熨   因為好焗熱   熨幾件衫已經想出汗咁   所以即停   我唔想再沖多次涼囉 ~

(呀表話外賣放落碟呢   感覺都靚 d   唔似外賣   我認同架   所以我為咗要里奧大人食哂 d 瓜   我都由暖壺度拎番出黎   擺得整整齊齊   果然食得哂呀下)



睇埋 DO 姐就即瞓喇   呢 d 咁嘅天氣   真係唔郁都會攰呀 ~~~~

沒有留言:

發佈留言