2016年3月19日星期六

公司春茗 @ 紅磡 ( 19-MAR-2016 )




節瓜林 pat pat   連瑤柱都林 pat pat   勁難食


我地呢枱得 9 個人咋   呢度有 13 粒   所以我食咗 2 粒   最後剩番 1 粒都無人食   之得食埋佢啦   哈哈      


唔知燕窩乜   我唔食得架   所以我次次食呢 d 套餐   一定睇下個羹係乜嘢來   有次試過無睇   食咗一啖先知係燕窩   嚇鬼死 ~   


最驚草菇


至愛嘅蒸斑   最鍾意食"鞋烚烚"嘅魚   哈哈


無食喇   


無食


仍都無食


因為我留肚食紅豆沙湯丸   好味呀   哈哈  


菠蘿好甜  


( 19-MAR-2016  SAT )

今朝瞓到差唔多 10 點就醒喇   刷埋牙沖埋涼就去食早餐 lu ~




食完就番屋企抖陣   今晚我要去 annual dinner   所以唔行得山   咁去黃金買電腦啦   難得無落雨   想出去行下呢 ~

但我話唔想直接去深水埗   咁里奧大人就話去太子再行去深水埗   因為佢話有 d 舖頭行啱我行喎   咁信佢啦 ~

估唔到會經過春潤堂   因為前兩日上網見到話食油渣麵辣菜甫好食   咁我話試下   地方超級勁細   只係坐到 9 個人   我地要排隊呀   感恩等咗一陣就有位   基本上喺度食嘢   真係會快快食快快走   因為好鬼熱呀   哈哈   同埋呢度個老闆娘好有禮貌  講咗幾次多謝多謝   呢度好好生意   因為由我企喺度排隊到我食完   都"枕"住有人買油渣麵   但我次次都聽到老闆娘話多謝多謝   唔會串串共咁呢 ~    

豬油渣麵 (細 $20) / 豬腸油渣麵 ($25) - 豬腸正呀  好爽同埋好乾淨   最緊要係無陣"壓"味呢



辣菜甫   ok 辣啦   但我覺得有 d 鹹呢  


辣魚蛋 $5/串   呢度係 2 串 


食到咁飽行去深水埗就最好喇   但今日好鬼熱呀   仲要係濕熱果隻   呢下先最慘 ~

買比家姐架 $50/3對   佢一定勁鍾意   因為任何八哥嘢   佢都話得意   我話如果個人樣似八哥就唔得意啦   哈哈  


去埋黃金買電腦就走喇   搭小巴番九龍灣   但我勁想大快活杯飲凍咖啡   所以去食個 tea 喇 ~



番到屋企已經 4 點 15 分喇   坐多陣就出門口喇   因為我約咗呀後 5 點喺地鐵站等    一齊去紅磡   好在佢今次無遲到   呵 ~

呀後話去到九龍塘再等埋呀弱一齊去   咁無所謂啦   去到紅磡都只係 5 點 15 分   佢約喺去紅磡方向果間萬寧等   點知呀弱就去咗另一邊萬寧等   真係頂佢唔順   以前喺菇場做嘢又成日甩甩漏漏   買錯嘢居然仲笑哂話係咁架喇   所以我唔係咁鍾意佢   不過呀後約咗就無計啦 ~

去到商場就約埋高妹同溫總一齊去酒樓   話就話 6 點要到齊   不過好多同事都 6 點幾到   所以差唔多 7 點先開始   玩咗一輪遊戲   好在今次取消個人遊戲   咁唔駛玩咁耐 ~

差唔多 7 點半先開始食嘢呢   食到 8 點 15 分又再玩   之後玩完都好似 9 點半   先再食魚   之後就幾個菜一齊上哂   食咗陣就話玩大獎   好感恩我可以出去玩   最勁係我地果枱有 3 個人一齊去玩大獎   其中 1 個係我    而最邪係 4 個玩大獎嘅人都係同姓呀   真係好爆 ~

我同呀後一隊   不過佢唔識踢毽   因為個遊戲係佢踢比我   之後我再踢去箱入面   有 4 次機會   但 3 次佢踢到完全唔知飛咗去邊囉   同埋個箱有成 3 尺半高架   其實要踢中真係比較難   所以最後都輸咗   無緣參加抽大獎 lu   但安慰獎都有 $1000   好感恩呢 ~

$1,000 係安慰獎   $170 就係圍獎贏咗   抽到嘅利是   里奧大人一見我玩遊戲有 $1,000   即刻叫我識做啦   佢上次抽到 $800   佢比 $1,000 我嘛   咁我話比 $200 佢   佢話佢係咪聽錯   衰   最後我都比 $500 佢啦   呃女人錢   哈哈 ~   



10 點 45 分先走   咁我地果枱一齊走嘛   呀後又話去洗手間   溫總又無啦啦企喺度同人傾計   我同高妹就分緊糖水嘅時候   已經去定洗手間   費事一陣多人嘛   所以我同高妹都走先喇   費事嘥時間企喺度等   因為高妹聽朝 6 點起身去大陸   佢今晚番到屋企都要 12 點架喇 ~

坐火車再轉地鐵   一齊傾下計   好快就到九龍灣 lu ~

番到屋企 11 點半   我即沖涼喇   之後就到里奧大人   佢原來頭先熨衫同整電腦   唔怪得咁遲都未沖涼啦 ~

12 點幾瞓   但我真係瞓唔到   最後出廳睇雜誌   睇到 2 點先瞓 ~ 

2 則留言:

  1. 一千得五百笠..哈哈哈哈! 好攪笑呀小奧
    佢都唔衰! 阿喂次次發現屋企有錢..我即刻話係我架
    次次又要講好耐先r到果d錢回來~真係辛苦錢
    所以阿喂成日話我呃佢錢! 哈哈..好似你話小奧咁
    星期六annual dinner真係有病~浪費時間去參與

    回覆刪除
    回覆
    1. 嘩 笠 我有睇警訊都唔掂 家賊難防 哈哈~
      oh no 原來呀喂又係家賊來 嘩哈哈~
      屋企一有錢就立架喇 鬼叫周圍放呀
      一陣吹落街就咩都無啦~
      年年都係星期六 annual dinner 雖然可以帶埋另一半
      但三九唔識七 搵妳去啦 好心就星期五搞啦 煩~~~~

      刪除